Dla ŭjezdu ŭ Kazachstan biełarusam treba budzie zapytvać propusk za try dni
Kazachstan uviadzie elektronnyja dazvoły na ŭjezd dla hramadzian prykładna 60 krain, u tym liku partnioraŭ pa JEAES — Biełarusi, Rasii, Kyrhyzstana i Armienii. Novy paradak ujezdu urad Kazachstana zaćvierdziŭ 10 kastryčnika 2026 hoda, piša The Moscow Times.
Z 1 lipienia 2027 hoda inšaziemcam, jakija pryjazdžajuć u Kazachstan bieź vizy, treba budzie padavać zajavu na elektronny dazvoł praź ličbavuju płatformu nie paźniej čym za 72 hadziny da ŭjezdu. Afarmleńnie budzie biaspłatnym. Dazvoł buduć vydavać paśla ŭzhadnieńnia z orhanami nacyjanalnaj biaśpieki. Jon budzie dziejničać 180 dzion i dazvolić na praciahu hetaha času niekalki razoŭ ujazdžać u krainu.
Novyja praviły pačnuć uvodzić paetapna. Z 1 listapada 2026 hoda ich płanujuć prymianiać u aeraporcie Aktau i na čatyroch aŭtamabilnych punktach propusku na miažy z Rasijaj. Z 1 studzienia 2027 hoda dazvoły pačnuć patrabavać u aeraportach Astany i Ałmaty, a z 1 sakavika — na ŭsich punktach propusku praź dziaržaŭnuju miažu.
Da lipienia 2027 hoda adsutnaść elektronnaha dazvołu nie budzie padstavaj dla admovy va ŭjeździe. Paśla hetaj daty jaho najaŭnaść stanie abaviazkovaj.
Raniej, u vieraśni, z paviedamleńnia Ministerstva zamiežnych spraŭ Sierbii vynikała, što elektronnyja dazvoły na ŭjezd u Kazachstan mohuć stać płatnymi, a ŭvieści ich płanavali ŭžo ź listapada 2026 hoda. Adnak urešcie zaćvierdžany ŭradam Kazachstana paradak praduhledžvaje biaspłatnaje afarmleńnie i pastupovaje ŭviadzieńnie novych patrabavańniaŭ.
U minułym hodzie Kazachstan vykazvaŭ niezadavalnieńnie tym, što Rasija abaviazała zamiežnikaŭ, u tym liku hramadzian bieźvizavych krain, zahadzia padavać praz dadatak ruID zajavy na ŭjezd — nie mienš čym za try dni. Kazachstanskija ŭłady tady abiacali adkazać lustranymi mierami.
Naščadki Załatoj Ardy. Jak Kazachstan pry prezidencie Takajevie pravodzić «rebrendynh» svajoj historyi
Papularnaha repiera Navai zatrymali pry ŭjeździe ŭ Kazachstan z narkotykami
19 vajskoŭcaŭ z Kazachstana zabrała chvalaj padčas vučeńniaŭ u Kaśpijskim mory
Dziaŭčyna z Kazachstana ździviłasia, čamu jaje tredsy zalatajuć u Biełarusi. Razhadka na pavierchni
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju3
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary