Zaklik da jednaści

Toje, što ad apazycyi ŭ vybarach buduć udzielničać niekalki čałaviek — nia tak drenna samo pa sabie (zvažajučy na apryjory falsyfikavany charaktar vybaraŭ), jak moža być symptomam niebiaśpiečnaj tendencyi.

Zdajecca, što demakratyčnaja apazycyja ŭ Biełarusi pavinna arhanizacyjna vystupać adzinym frontam ci maksymum dvuma lahierami, kab jaŭlać saboju palityčny subjekt. Apazycyja i demakratyčnaja hramadzkaść zacikaŭlenyja, kab siońniašni razbrod byŭ tolki pierachodnym etapam da čahości bolš skaardynavanaha i celnaha.

Unutrypalityčnaja situacyja ŭ Biełarusi jość nadzvyčajnaju, i tamu apazicyi ŭrešcie vostra nieabchodna prychodzić da kampramisaŭ unutry svaich šerahaŭ, nieabchodna hurtavać siły, prynamsi idejna blizkich, prynamsi ŭ maksimalna małuju kolkaść błokaŭ.

Raźjadnanaść pamiž demakratami dapuščalnaja na peŭnym pierachodnym etapie, jak instrumient daŭno naśpiełaha ačyščeńnia i restrukturyzacyi, ale jaje niepaźbiežna treba pieraadoleć jak maha chutčej. Inačaj raźjadnanaść budzie varta ŭsprymać jak znak kančatkovaha razłažeńnia.

Heta, mahčyma, nie tak važna ciapier, napiaredadni vybaraŭ, jakija, što skazana ŭžo nie raz, nie varta ličyć paŭnavartasnymi, dyj pahatoŭ kali mahčymaści vyłučeńnia adzinaha kandydata ci kansalidavany bajkot čym dalej, tym užo mienš mahčymyja. Ale

heta budzie važna adrazu paśla ich, asabliva z ulikam taho, što niekatoryja naziralniki prahnazujuć začystku palityčnaha pola paśla prezidenckich vybaraŭ: pierad abo imaviernaj «apieracyjaj «pierajemnik» abo ŭviadzieńniem ŭ Biełarusi «šmatpartyjnaj sistemy» pavodle rasijska-ŭschodnieniamieckaj madeli, dzie miesca apazicyi adviaduć ŁDP i KPB.

Pry adsutnaści demakrataŭ u jakaści adzinaha subjektu, aŭtamatyčna stavicca pad sumnieŭ ich zdolnaść vystupać vyraźnikam intaresaŭ socień tysiač prychilnikaŭ pieramienaŭ. Takim čynam

apazicyja pakidaje namienkłaturu ŭ jakaści taho alternatyŭnaha Łukašenku subjektu, z čyjho boku možna čakać inicyjatyvaŭ datyčna pieramienaŭ u Biełarusi i z kim vonkavym hulcam maje sens vieści pieramovy,

I ŭ hetym płanie, kali padumać, raźjadnanaść apazicyi pryjšłasia vielmi darečy dla źjaŭleńnia hetaj novaj siły na niepubličnaj palityčnaj arenie. I pry žadańni tut mahčyma navat znajści jašče adzin arhumient na karyść viersii, što resursnaja padtrymka pieradvybarčaj kampanii Ŭładzimira Niaklajeva moža sychodzić nie z Rasii, a z krynic unutry dziejsnaha režymu. Kampanija Niaklajeva pakul nadalej pakidaje intuityŭnaje ŭražańnie palittechnałahičnaha holema, jaki moža rassypacca praz paru tydniaŭ paśla vybaraŭ. Što jana robić jakasna, dyk heta mienavita padtrymlivaje stan raźjadnanaści, adciahvaje ludskija resursy ad etablijavanaj idejnaj apazicyi, nie prapanavaŭšy pakul dastatkova vyraznaj i pierakanaŭčaj alternatyvy joj.

Hruntam dla abjadnańnia musiła b być vyraznaja śvietapohladnaja alternatyva, jaskrava sfarmulavanaja na ŭsich uzroŭniach — idejna, estetyčna, mahčyma navat moŭna. Varyjant, jaki naprošvajecca sam saboju, — heta «staryja dobryja» nacyjanał-demakratyčnyja kaštoŭnaści,

Zrešty, i Uładzimir Niaklajeŭ moh by zrabicca centram kansalidacyi apazicyi, ci chacia b umoŭna «rasijskamoŭnaj» jaje častki. Mienavita ŭ hetym, zdajecca, palahaje realnaja zadača-maksimum dla jaho ŭ hetaj kampanii dy mienavita heta bało b najlepšym srodkam razburyć isny niedavier da jaho z boku demakratyčnaj hramadskaści. Šmat što vyrašać biespasiaredna dziejańni Niaklajeva i jaho kamandy 19 śniežnia i ŭ bližejšyja dni paśla hetaj daty.

Raz subjektnaści apazicyi niama napiaredadni vybaraŭ, jana moža i pavinna źjavicca pa vynikach hetaje kampanii.

// Całkam

• 0
• 0
• 0
• 0
• 0
• 0
• 0
• 0