«Źmianialniki realnaści» — fantastyčnaja mieładrama pavodle apaviadańnia Filipa Dzika
Źmianialniki realnaści (The Adjustment Bureau)
ZŠA, 2011, kalarovy, 105 chv.
Režysior: Džordž Nołfi
Roli vykonvajuć: Met Dejman, Emili Błant, Entani Meki, Džon Słetery, Terens Stemp
Žanr: Fantastyčnaja mieładrama pavodle apaviadańnia Filipa Dzika «Biuro karekcyi»
Adznaka: 6 (z 10)
Kanhresmen Devid Norys — pierśpiektyŭny małady palityk, jaki ŭpeŭnieny, što kantraluje svajo žyćcio. Adnojčy hieroj znajomicca ź pieknaj dziaŭčynaj, što mianiaje jahonyja płany. Ale złaviesnyja piersanažy ŭ adnolkavych kapielušach zaminajuć hierojam sustrecca. I ci ludzi hetyja istoty, uvohule?
Karcina Džordža Nołfi — mieładrama. A mieładrama — žanr, abciažarany losam. U roli losu zvyčajna vystupajuć karabielnyja katastrofy, doŭhija raźvitańni ci złyja niahodniki. U filmie Džordža Nołfi — heta anioły-biurakraty, jakija nie žadajuć adstupać ad zaviedzienych płanaŭ. Zvyčkami jany nahadvajuć inšapłanietnikaŭ z «Ciomnaha horadu», kaŭboistych ahientaŭ Śmitaŭ na słužbie ŭ «Matrycy» — i vašynhtonskich hebistaŭ.
Takim surjoznym voraham zdolny kinuć vyklik tolki sapraŭdny mužčyna (Met Dejman), jaki hatovy dziela kachanaj dziaŭčyny na ŭsio: spaźnicca na interviju, načapić niamodny kapialuš pa samyja vušy, try hady jeździć u «jejnym» aŭtobusie.
Zabytaje apaviadańnie Filipa Dzika časoŭ chałodnaj vajny na siońniašnim kinaekranie vyhladaje manierna-banalnym — ale nie sumnym.
Kamientary