Jon byŭ dyrektaram Biełaruskaha instytuta stratehičnych daśledavańniaŭ. Jamu było 38 hadoŭ.
Heta zdaryłasia ŭdzień u subotu, 11 červienia.38-hadovy Vital Silicki bolš za hod zmahaŭsia z rakam (nyrki).
Pieranios apieracyju — jamu vydalili nyrku, ale, na žal, puchlina dała mietastazy ŭ lohkija.
Jaho nazirali daktary kliniki ŭ Baraŭlanach. Siabry zabiaśpiečyli jaho najlepšymi dastupnymi lekami. Na žal, chvarobu vyjavili na poźniaj stadyi, a mietastazy byli znojdzienyja ŭ abodvuch lohkich adnačasova. Ich raźvićcio možna było tolki zamarudzić, ale niemahčyma było spynić. Z dapamohaj Ofisa za demakratyčnuju Biełaruś (Brusel) Silicki niejki čas lekavaŭsia ŭ klinicy ŭ Bielhii. Kali stała jasna, što nijakija zaćvierdžanyja leki nie dziejničajuć, jon niejki čas prymaŭ ekśpierymientalnyja srodki, što prachodziać aprabacyju ŭ ES.
Silicki pryniaŭ rašeńnie viarnucca ŭ Biełaruś ź Bielhii, dzie prachodziŭ kurs terapii, paśla taho jak stan zdaroŭja staŭ imkliva horšać.
Apošnija tydni jon trymaŭsia na abiazbolvajučych marfinach, a apošnija dni redka prychodziŭ u prytomnaść.
Za niekalki hadzin da adychodu jaho čarhovy, apošni raz naviedaŭ pravasłaŭny śviatar. Pa jahonaj voli, heta byŭ biełaruskamoŭny śviatar.
Vital Silicki byŭ dyrektaram Biełaruskaha instytuta stratehičnych daśledavańniaŭ. Heta byŭ vydatny palitołah ź bliskučaj adukacyjaj i suśvietnym rename. Jon byŭ hołasam niezaležnaj Biełarusi, jaki hučaŭ z samych vysokich trybun.Užo chvory, jon pracavaŭ u režymie
Jak hramadzianin, jon byŭ biaskonca addany Biełarusi i biełaruskaści.
Jaho knihi — užo paśmiarotnyja — rychtujuć da druku «ARCHE» i «Biełaruski kalehium». U Biełaruskim instytucie stratehičnych daśledavańniaŭ jaho źmieniać Dzianis Mieljancoŭ i Alaksiej Pikulik.
U Vitala zastalisia baćki i brat.
U časie adnoj z apošnich sustreč ź siabrami Silicki prasiŭ pieradać lidaram apazicyi, kab jany išli da ludziej, išli na pradpryjemstvy i nieśli praŭdu pra situacyju ŭ krainie i šlach vychadu ź jaje.
«Ja pamiraju. A vy zrabicie ŭsio, kab žyli tyja idei, jakimi ja žyŭ», — skazaŭ jon siabram u adzin z apošnich dzion.
Žyvie Biełaruś, Vital!
* * *
Raźvitacca ź Vitalom Silickim možna budzie ŭ paniadziełak ad 11 da 14-j hadziny u rytualnaj zale, što na vulicy Alšeŭskaha, 12.Pytańnie miesca pachavańnia jašče vyrašajecca.
* * *
Vital Silicki. Što značyć być biełarusam?
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary