Brytanskija deputaty taksama plaskali ŭ dałoni pierad ambasadaj Biełarusi
Da biełaruskaj maŭklivaj akcyi pratesta hetym razam dałučylisia try deputaty brytanskaha parłamienta: Nik Śmit, Trejsi Kraŭč i Toni Łłojd. Deputaty vyjšli na akcyju pratesta paśla taho, jak ambasadar Biełarusi A. Michnievič u niadaŭnim interviju rezka adhuknuŭsia na pratesty biełaruskaj i brytanskaj hramadskaści suprać parušeńniaŭ pravoŭ čałavieka i bazavych demakratyčnych normaŭ.
Cyvilizavany śviet — na našym baku. Łukašysty — marhinały i ichny histaryčny čas vyčarpany.
U akcyi taksama ŭziaŭ udzieł kalektyŭ biełaruskaha «Svabodnaha teatra», jaki zaraz znachodzicca z hastrolami ŭ Brytanii. Z 20 pa 26 lipienia teatr daść siem pradstaŭleńniaŭ u Łondanie ŭ teatry Almeida.
Pryparkavany pierad ambasadaj šykoŭny aŭtamabil jak by nahadvaŭ, što dypłamaty ŭ budynku jość, ale da pratestoŭcaŭ nichto nie vyjšaŭ. Režym zvyksia vieści dyjałoh z narodam vyklučna rukami AMAPa i hopnikaŭ u štackim, jakich u štacie pasolstva, vidać, pakul nie zaviali.
Ciapier čytajuć
Da «Dnia narodnaha adzinstva» pamiłavali 25 čałaviek4
Kamientary