Kadafi: jak niekatoryja skančajuć karjeru kiraŭnika dziaržavy
Nie adnomu mnie niepryjemnyja kadry z apošnich chvilinaŭ žyćcia Kadafi naradzili nieviasiołyja dumki pra sami razumiejecie jakuju krainu.
U krainach Zachadu, pačynajučy navat z uskrajkavych Litoŭskaj Respubliki ci Łatvii,
być byłym prezidentam — pačesnaja i hodnaja sprava.Čałaviek atrymoŭvaje pažyćciovuju piensiju, za im zastajecca častka słužbovych pryvilejaŭ nakštałt achovy ci transpartu. Jon jeździć pa śviecie, čytaje lekcyi va ŭniviersitetach, piša knihi, vystupaje patronam dabračynnych fundacyj. Što jašče treba?
I što dla hetaha patrabujecca? Treba tolki ŭmieć hodna adychodzić z pasady, hodna addavać uładu, razumiejučy, što tvaja kraina — heta nie tvaja ŭłasnaść, što jaje historyja nie na tabie pačałasia i nie taboju skančajecca.
Muamar Kadafi hetaha vidavočna nie razumieŭ, a pad kaniec žyćcia dyk zusim zhubiŭ suviaź z rečaisnaściu, pryjazdžajučy ź dziaržaŭnymi vizitami ŭ bieduinskim namiocie. Za heta vialikuju canu zapłaciła Libija, za heta vialikuju canu ŭrešcie daviałosia płacić i jamu samomu.
Kadafi kiravaŭ Libijaj sorak hadoŭ.
Krainy, dzie kiraŭniki nie sychodziać sami i dzie narodu nie ŭdajecca ich zrynuć, zvyčajna pieratvarajucca ŭ vialiki žabracki kancłahier— hladzi prykłady kamunistyčnaj Kuby na čale z Kastram, Birmy i Paŭnočnaj Karei na čale z dynastyjaj Kimaŭ. Hladzi tendencyju da źmieny ŭzroŭniu žyćcia ŭ łukašenkaŭskaj Biełarusi. Čym horš tyran robić svajoj krainie, tym horš jon ryzykuje skončyć i sam -- hladzi prykłady Hitlera, Musalini ci Čaŭšesku.
Nie adnomu mnie niepryjemnyja kadry z apošnich chvilinaŭ žyćcia Kadafi naradzili nieviasiołyja dumki pra sami razumiejecie jakuju krainu i sami razumiejecie jakoha palityka. U śviecie byvali prykłady, kali dyktatary adychodzili mirna, ale čaściej heta byli dyktatary pravaha kštałtu (Franka, Pinačet), a nie levaki-adzinočki, jakija siabie ličuć uvasableńniem «voli naroda», što b ni razumiełasia i pad «volaj», i pad «narodam».
Ci zrobić Łukašenka pravilnyja vysnovy z taho, jak trahična skončyŭsia žyćciovy šlach čarhovaha, paśla Miłošaviča i Chusejna, jahonaha chaŭruśnika Kadafi? Badaj što nie.Reakcyjaj budzie nie demakratyzacyja režymu, ale tolki jašče bolšaje ŭzmacnieńnie represij až da taho momantu, pakul nie vybuchnie. My ŭsie znajomyja z hetaj psichałohijaj, na žal, zanadta dobra.
Kamientary