20 vieraśnia. Loft cafe (Broŭki, 22). 19.00.
Debiutny albom hurta HandmadE byŭ prezientavany ŭviesnu na Tuzin.fm, a ciapier jaho ŭ realnym vyhladzie vydała kampanija BelTonMedia. Praŭda pad inšaj nazvaj – «Na vačach tvaich…».«U toj čas, jak my zapisali ŭvieś materyjał, ja adjazdžaŭ za miažu, ale z muzykaj padviazvać nie źbiraŭsia, – tłumačyć lidar hurta Jaŭhien Vałošyn. – Tamu i nazva była padabranaja takaja bolš namienkłaturnaja, jakaja pasuje pad zamiežža. Kali ž my sutyknulisia z vydańniem alboma ŭ Biełarusi, to ŭziali inšy zahałovak, bolš niejtralny. Ciapierašniaja nazva bolš adpaviadaje sensu našaj pracy». Pieradprezentacyja novaha albomu HandmadE adbyłasia ŭletku na festyvali «Piknik.BY», a kłubnaja premjera zapłanavanaja jakraz na adkryćcio kancertnaha siezona, jaki raspačynaje internet-partał Tuzin.FM pry padtrymcy kampanii «Budźma biełarusami!». Ciapier kancerty ŭ miežach prajekta «Žyvy Tuzin» buduć prachodzić štomiesiac u Loft cafe. Staŭka hetym razam budzie zroblena nie na akustyčnyja vystupy, jak u minułym siezonie, a na ekskluzyŭnyja premjery ad maładych i viadomych biełaruskamoŭnych vykanaŭcaŭ.
«Na hetym kancercie možna budzie pačuć našaje novaje hučańnie, jakoje zaŭvažna źmianiłasia z času vychadu alboma. U našych pieśniach ciapier krychu inšaja rytmika, jany navat stali bolš ciažkimi», - kaža Jaŭhien Vałošyn i abiacaje šerah premjeraŭ. Siarod ich – zusim novaja pieśnia «Sińjaryta z Kosta-Ryki» na vierš Maksima Tanka, jakaja była napisana padčas pierabyvańnia Jaŭhiena ŭ Kosta-Rycy.
Muzykant apynuŭsia ŭ hetaj krainie roŭna praz 50 hod paśla słavutaha biełaruskaha paeta i trapiŭ u tuju samuju situacyju, h.zn. zakachaŭsia ŭ miascovuju dziaŭčynu.«Tolki mnie, vidać, pašancavała bolš, čym Tanku, bo ja nie byŭ abciažarany dziaržaŭnymi paŭnamoctvami i vypraviŭsia ŭ Łacinskuju Amieryku troški pažyć i zrabiŭ toje, pra što maryłasia našamu paetu paŭstahodździa tamu», - iranizuje lider HandmadE. Albom «Na vačach tvaich…» možna nabyć praź internet, a taksama na samim kancercie 20 vieraśnia pa samym demakratyčnym košcie.
Naviednikaŭ imprezy čakaje jašče adzin siurpryz.
U hety ž viečar svaju novuju prahramu pradstavić Pavał Kuzič, vykanaŭca, viadomy, jak lidar hurtoŭ UrbanLife, «Letni Song», «Isnaść». Ciapier Paša ŭsurjoz uziaŭsia pracavać z elektronnaj muzykaj, natchniony pieradusim francuzskim prajektam M83.A voś teksty pa-raniejšamu vykanaŭca piša pierš za ŭsio pa-biełarusku. Adnu z novych kampazicyjaŭ «Miakkaj biełaj vataju» jon pradstaviŭ niadaŭna na «Tuzinie Hitoŭ». Na kancercie «Žyvy Tuzin» Paša pakaža i svaje inšyja muzyčnyja prydumki.
Vieści kancerty «Žyvy Tuzin» pa tradycyi budzie Aleh Chamienka,muzykant i niaźmienny viadučy radyjoviersii chit-paradu «Tuzin Hitoŭ». Nie abyjdziecca sprava biez padarunkaŭ ad siabroŭ «Tuzina Hitoŭ» – kampanii «Budźma biełarusami!».
Kancert pačniecca ŭ 19.00 20 vieraśnia (čaćvier) u Loft cafe (vuł. P.Broŭki, 22).Košt kvitka — 50 000 rub, 60 000 rub (stolik). Kvitki buduć pradavacca niepasredna pierad pačatkam kancerta. Zamović stolik možna zahadzia pa teł. +375 29 38 000 10. Inšyja pytańni: + 375 29 6872093.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki11
Kamientary