У адрозненне ад Шапіры, кіраўніку Брэстчыны расці позна. Ён на сваім месцы, у родным горадзе.Але такія, як Сумар, трапляюць і ў крэсла прэм’ера, і на бесклапотныя пасады ў палатах парламента. Стратэгія Сумара — дакладна выконваць даручэнні Лукашэнкі і не губляць магчымасці яго публічна пахваліць, прычым так, што людзі хапаюцца за галаву. «Вы трошкі-трошкі вышэй за Бога», — даўняя фраза Сумара. «За праграму адраджэння вёскі, я лічу, Лукашэнку трэба ставіць помнік пры жыцці», — а гэта ўжо перадвыбарчая заява ў 2010. Пасля такіх «шчырасцяў» за сваю пасаду Сумар спакойны. З яго як з гусака вада нават пасля разгромнага візіту Лукашэнкі на «Івацэвічдрэў», які б каштаваў іншаму губернатару пасады.
Сын губернатара Андрэй таксама робіць галавакружную кар’еру. У 38 гадоў ён ужо палкоўнік міліцыі і кіраўнік брэсцкай абласной ДАІ.
***
Цытата: «Вы трошкі-трошкі вышэй за Бога».
Аляксандру Лукашэнку, у часе селектарнай нарады.
***
Аб’ектыўка
Нар. у 1949 у вёсцы Вічын на Лунінеччыне. Закончыў Гродзенскі сельскагаспадарчы інстытут (1973), Мінскую вышэйшую партыйную школу (1977). Працаваў аграномам, старшынёй калгаса, у Лунінецкім і Брэсцкім райвыканкамах. У 1996—1998 — намеснік старшыні Дзяржкантролю. У 1998—2000 — першы намеснік старшыні Мінаблвыканкама, у 2000—2004 — міністр падаткаў і збораў. Старшыня Брэсцкага аблвыканкама (ад 2004).
Цяпер чытаюць
Гродзенскага падлетка адправілі ў школу ў Літву — ён вывучыў літоўскую і цяпер перакладае ў Еўрапарламенце. Перакладаў ён і Ціханоўскіх17
Каментары