З Масквы. Блог Алеся Чайчыца5151

Маргарэт Тэтчэр: вечная памяць абаронцу сапраўднай свабоды

Грамадства можа расці толькі тады, калі людзям развязваюць рукі і калі чыноўнік перастае стаяць у іх над душой. Гэтаму ідэалу Тэтчэр была верная да самога канца.

Мусіла ж так здарыцца, што на зло сучасным феміністкам, гэтаму антыбіялагічнаму фронту глабальнага лявацкага руху, Маргарэт Тэтчэр — першая жанчына на чале Вялікай Брытаніі і самая выбітная жанчына-палітык мінулага стагоддзя — была не толькі кансерватарам, маці двох дзяцей, але і прыхільнікам свабоднага рынку ў якасці першаасновы здаровай чалавечай эканомікі.

Бескампрамісная абарона свабоды чалавека, прычым усведамленне, што эканамічная свабода бадай што важнейшая і фундаментальнейшая за якуюсь іншую свабоду (ці што за яе некаторыя выдаюць) — гэта галоўная яе спадчына, галоўны яе прыклад.

Яна прапаведвала прынцып, што

грамадства можа расці толькі тады, калі людзям развязваюць рукі і калі чыноўнік перастае стаяць у іх над душой.
Толькі тады людзі могуць ператварыцца са статка паразітаў, якія лічаць, што ім усе вінаватыя, у грамадства Асобаў з вялікай літары. Гэта доўгі і складаны шлях, але альтэрнатывы няма:
свабодны рынак і свабодная, адказная за саму сябе асоба — неабходная перадумова для поспеху краіны, гэта даказана ўсёй гісторыяй еўрапейскай цывілізацыі.
Дзяржава ў такой сістэме толькі сочыць за парадкам, стаіць на «падстрахоўцы», дапамагаючы найбольш слабым і ствараючы мінімальныя стартавыя ўмовы — але не больш за гэта.
Адыход ад гэтых прынцыпаў — шлях да катастрофы, як мы маглі пераканацца на практыцы самі,
стаўшы часткай манументальнага правальнага сацыялістычнага і этатысцкага эксперымента пад назвай СССР і дагэтуль жывучы наступствамі гэтага эксперыменту.

Голас розуму заўжды гучыць слабей за прамовы папулістаў. А

папулізм па вызначэнні бывае толькі левы, толькі сацыялістычны:
«узяць усё ды падзяліць», сёння беручы — узяць ды абвінаваціць ва ўсіх бедах буржуяў, габрэяў і Дзярждэп ЗША. Таму гэта заўсёды маленькі цуд, калі ў разбэшчанай сацыялістычным папулізмам Еўропе на супольных выбарах перамагае правы ўрад з правільнымі правымі ідэямі. Тэтчэр, пад чыім началам кансерватары перамагалі тры разы запар, тут апынулася сапраўднай чараўніцай.

Для Беларусі ж Тэтчэр — гэта таксама чалавек, які заўжды клапаціўся за лёс акупаванай камуністамі Ўсходняй Еўропы, актыўна падтрымліваў савецкую «Перестройку» і імкненне Міхаіла Гарбачова рэфармаваць і дэмакратызаваць таталітарную савецкую сістэму. Не ў апошнюю чаргу дзякуючы тэтчараўскай вонкавай палітыцы Беларусь разам з іншымі савецкімі рэспублікамі аднавіла сваю незалежнасць, гэта ніколі нельга забываць.

І яшчэ цытата «Жалезнай лэды», як быццам бы натхненне для Беларусі:

«Багацце краіны неабавязкова залежыць ад прыродных рэсурсаў, іх адсутнасць можа яму нават спрыяць. Галоўны рэсурс — гэта Чалавек. Што павінна рабіць дзяржава, дык гэта ствараць умовы для раскрыцця чалавечага таленту».

Вялікая палітык, вялікая аратарка, вялікая лідарка. Вечная памяць.

Каментары51

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць