Таямнічая стужка Хічкока, знаёмая нашаму гледачу сваім сюжэтам.
АНТ, 00.10
Тоні Вэндзіс (Рэй Міланд), былая зорка вялікага тэнісу пабраўся шлюбам дзеля карысьлівых мэтаў. Цяпер ён прыдумаў падступны плян забойства сваёй жонкі (Грэйс Келі). Хаця ўсё пайшло ня так, як задумаў нягоднік, у яго застаецца магчымасьць адправіць гераіню на шыбеніцу. Ці здолее бязьвінная ахвяра апраўдацца, і ці выкрые злачынцу ейны сябра Марк?
Сюжэт Хічкокаўскай стужкі добра вядомы беларускаму гледачу па савецкай карціне “Памылка Тоні Вэндзіса” зь Ігарам Касталейскім, таксама пастаўленай па п’есе Нота.
Але карціна “У выпадку забойства набірайце М” – гэта стужка сэра Альфрэда Хічкока.
Трымценнае напружанае чаканьне, няпэўнасьць, мароз па скуры, ахвяра, якой пагражае сьмерць і каронная сцэна тэлефоннага званка – фірмовыя прыёмы майстра.
Калісьці ў Хічкока спыталі: “Што вы прадаяце?” “Дрыжыкі,” – адказаў Хічкок.
Менавіта гэтыя дрыжыкі, пастаўленыя з найвышэйшым плястычным майстэрствам, робяць тэлевізійны вечар зусім ня нудным.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары