З кастрычніка ў Беларусі пачнуць дзейнічаць новыя правілы адносна цэнаў на некаторыя лекавыя прэпараты. Міністэрства аховы здароўя вызначыла для іх максімальныя гранічныя адпускныя цэны.
Паводле пастановы Мінздрава ад 17 верасня 2026 года, арганізацыі змогуць самастойна вызначаць адпускныя цэны на гэтыя лекі, але яны не павінны перавышаць устаноўленыя дзяржавай максімальныя значэнні. Самі гранічныя цэны былі вызначаныя раней іншай пастановай міністэрства.
Абмежаванні закрануць прэпараты розных груп: супрацьпаразітарныя, дэрматалагічныя, супрацьінфекцыйныя, супрацьпухлінныя і імунамадулюючыя сродкі, а таксама лекі для лячэння захворванняў дыхальнай і стрававальнай сістэм, парушэнняў абмену рэчываў, хвароб крыві і крыватворных органаў, нервовай сістэмы і органаў пачуццяў.
У пералік трапілі прэпараты айчынных вытворцаў, у тым ліку «Белмедпрэпараты», «Фармлэнд», «Беласептыка», «Рэб-фарма», «Фармтэхналогія», Барысаўскага і Нясвіжскага заводаў медыцынскіх прэпаратаў, «Акадэміфарм», Бабруйскага завода біятэхналогій і «Ферэйн».
Напрыклад, максімальная адпускная цана лоратадзіну Барысаўскага завода ва ўпакоўцы з 10 таблетак складзе 49 капеек. Для лопераміду №10 яна ўстаноўленая на ўзроўні 40 капеек, а для глюканату кальцыю №50 — 1 рубель 15 капеек.
Гранічная цана фоліевай кіслаты 0,4 мг №30 складзе 1 рубель 50 капеек, а эуфіліну 150 мг №30 — 77 капеек.
Навукоўцы выявілі нечаканую сувязь паміж прыёмам парацэтамолу падчас цяжарнасці і здароўем дачок
«А чаму вы прыехалі? Думалі, нараджаць не балюча?» Беларуска расказала дзікую гісторыю пра свае роды
Чаму індыйскія лекі забілі 9 беларусаў? Магчыма, чыноўнікі эканомяць, а дактары баяцца пакаранняў
Цана на адныя і тыя ж лекі ў розных аптэках можа адрознівацца ўдвая. Мінгандлю патлумачыла, чаму так
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары