29 (–). Аляксандр Мяжуеў
Дзяржаўны сакратар Рады бяспекі.
Рада бяспекі мае вельмі шырокія паўнамоцтвы. Напрыклад, у мірны час яна забяспечвае прававыя асновы дзейнасці ўсіх структур бяспекі, фарміраванне замежнай і ўнутранай палітыкі па зніжэнні ваеннай пагрозы, распрацоўку асноўных кірункаў вайсковай дактрыны. У ваенны час Рада бяспекі займаецца мабілізацыяй вайсковых структур, а таксама зацвярджае прапановы Міністэрства абароны.
Мяжуеў — вайсковец. Але сам у баявых дзеяннях удзелу не браў. Усе ягоныя медалі, звыш 20, за заслугі ў мірны час. Напрыклад, за ліквідацыю наступстваў урагану ў Брэсцкай вобласці. У Раду бяспекі Мяжуева выцягнулі з ціхай і соннай палаты прадстаўнікоў.
Цытата
«У мяне заўсёды былі здаровыя амбіцыі. Я не люблю таптацца не месцы, заўсёды знаходжуся ў пошуку. Люблю «жывую» працу».
Сакавік 2013.
Аб’ектыўка
Нар. у 1959 у Ляхавічах. Скончыў Кіеўскае вышэйшае агульнавайсковае каманднае вучылішча, Вайсковую акадэмію імя Фрунзе ў Маскве; Вайсковую акадэмію Генеральнага штаба Узброеных сіл Расіі. Мае званне генерал-маёра. Узнагароджаны 20 медалямі. Жанаты, мае трох сыноў, унукаў.
* * *
Чытайце таксама:
Пяць фактаў пра дзяржсакратара Рады бяспекі Аляксандра Мяжуева
* * *
Цяпер чытаюць
Бабарыка тры хвіліны адказваў на пытанне, чый Крым. Так і не адказаў124
Каментары