Грамадства9898

«Героі не ўміраюць»: у Брэсце развіталіся з Алесем Чаркашыным ФОТА

Алеся Чаркашына, беларускага добраахвотніка, які загінуў ва Украіне, пахаваюць сёння, 3 верасня. Развітанне праходзіць у двары дома №37 па вуліцы 28 Ліпеня, дзе ён жыў. 

Каля дома сабралася прыкладна 150 чалавек. Труна накрыта бел-чырвона-белым і ўкраінскім сцягамі.

Труну сустрэлі воклічам «Героі не ўміраюць!», і людзі ўсталі на калені. 

На пахаванне прыехалі сустаршыня аргкамітэта па стварэнні партыі Беларуская хрысціянская дэмакратыя Павел Севярынец, колішні каардынатар «Зубра» Павел Юхневіч, бард Андрэй Мельнікаў, актывіст незалежных прафсаюзаў Андрэй Стрыжак, былыя палітвязні Зміцер Дашкевіч і Наста Палажанка.

Прыйшлі грэка-каталіцкі і пратэстанцкі святары. Спяваў хор — «Айчына мая у нябёсах», псалмы. Выступалі прадстаўнікі пратэстанцкай царквы.

Людзі праспявалі «Магутны Божа», труна адправілася на могілкі вёскі Камяніца-Жыравецкая (гэта вёска ў кірунку Радваніч, Забалацця).

На могілках, згодна з традыцыяй, прысутныя хорам прачыталі малітву «Ойча наш». Грэка-каталіцкі святар адпяваў па-беларуску.

У апошні шлях Алеся Чаркашына праводзілі авацыяй і воклічам «Героі не ўміраюць».

Павел Севярынец зачытаў напісанае ў Алеся на салдацкім жэтоне. Севярынец таксама пакланіўся бацькам Алеся і сказаў, што праз памерлага Бог вяртаецца ў Беларусь.

Для развітання ўключылі песню, якую напісаў Алесь на вайне. «За зямельку недарэмна сваё жыццё я аддаю», — гаворыцца ў песні.

Людзі ўсклалі кветкі на магілу і, акрамя беларускіх малітваў, праспявалі гімн Украіны.

Пасля гэтага развітальная цырымонія скончылася, усе адправіліся на памінкі.

Алесь Чаркашын — гэта 33-гадовы беларус, які пайшоў ваяваць добраахвотнікам. Ён памёр у мінулую пятніцу ад раненняў, атрыманых два з паловай тыдні таму ў баі пад Старагнатаўкай. Ён меў пазыўны «Тарас», а ваяваў ва Украіне ад пачатку зімы. Гэтая першая смерць сярод некалькіх дзясяткаў беларусаў, што ваююць за незалежнасць Украіны.

Раней паведамлялася пра смерць двух беларусаў, што ваявалі на расейскім баку. 

Каментары98

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць