Мітрапаліт Павел: БПЦ — не канкурэнт дзяржаве, а яе надзейная і стваральная апора
Пра гэта заявіў сёння Мітрапаліт Мінскі і Заслаўскі Павел, Патрыяршы Экзарх усёй Беларусі ў час сустрэчы Аляксандра Лукашэнкі з Сінодам БПЦ.
«Хачу, каб усе жыхары рэспублікі добра разумелі, што Беларуская праваслаўная царква — не канкурэнт дзяржаве, а надзейная і стваральная апора дзяржаве і грамадству», — сказаў мітрапаліт.
Паводле яго слоў, царква сама імкнецца будаваць і ствараць, просіць Бога, каб ён захоўваў краіну і народ у міры, дабрадзействе і цішыні, каб людзі маглі спакойна жыць і працягваць свой мірную працу.
«Епіскапат нашай царквы звяртае асаблівую ўвагу на неабходнасць маральнага выхавання моладзі, якая сёння вымушана супрацьстаяць розным выклікам гэтага свету», - дадаў Патрыяршы Экзарх.
Мітрапаліт Павел падзякаваў Лукашэнку за вялікую падтрымку, якую аказвае дзяржава пры будаўніцтве і рэстаўрацыі праваслаўных аб'ектаў, агульных культурных і духоўных каштоўнасцей. «Наша сённяшняя сустрэча з вамі - гэта бачны знак высокага даверу і ўвагі кіраўніка дзяржавы да Беларускай праваслаўнай царквы, у склад якой уваходзіць большасць грамадзян рэспублікі. Але разам з тым гэта і наша сур'ёзная адказнасць за будучыню краіны», - падкрэсліў ён.
Цяпер чытаюць
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў25
Каментары