Навукоўцы даказалі, што каэфіцыент інтэлекту звязаны з працягласцю жыцця
Высокі каэфіцыент інтэлекту (IQ) у дзяцінстве звязаны з рызыкай смерці ад захворванняў сэрца, інсульту і дэменцыі. Да такіх высноў прыйшлі навукоўцы з Эдынбургскага універсітэта. З падрабязнасцямі можна азнаёміцца ў British Medical Journal.
Спецыялісты вывучылі сувязь паміж вынікамі тэстаў на IQ, пройдзеных ва ўзросце 11 гадоў, і галоўнымі прычынамі смерці ў мужчын і жанчын да 79 гадоў. Для правядзення даследаванняў былі апрацаваныя дадзеныя 33 тысяч мужчын і 32 тысяч жанчын, якія нарадзіліся ў Шатландыі ў 1936 годзе. Праводзіць назіранні навукоўцы скончылі ў снежні 2015 года, калі больш за палову паддоследных ужо памерлі.
Прычынамі смерці найбольш часта былі ішэмічная хвароба сэрца, інсульт, рэспіраторныя захворванні, розныя віды раку, дэменцыя і самагубства. Пасля ўліку некалькіх фактараў, якія маглі паўплываць на вынікі (сацыяльна-эканамічны статус паддоследных і інш.), даследчыкі выявілі, што больш высокі ўзровень інтэлекту ў дзяцінстве зніжае рызыку смерці да 79 гадоў. Напрыклад, высокі IQ ў дзяцінстве на 28% зніжаў рызыку смерці ад рэспіраторных захворванняў, на 25% - ад ішэмічнай хваробы сэрца і на 24% - рызыка смерці ад інсульту.
Таксама навукоўцы плануюць супаставіць вынікі назіранняў з дадзенымі геномнага аналізу, што дазволіць ім зразумець, якія гены могуць звязваць даўгалецце і высокі інтэлект. Мяркуецца, што лад жыцця, курэнне, адукацыя, медыцынская пісьменнасць і генетыка могуць адыграць пэўную ролю.
-
Сэрвіс, які дазваляе дзяўчатам абменьвацца звесткамі пра мужчын, стаў самым папулярным у ЗША. Але нешта пайшло не так
-
Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній
-
Праз Сонечную сістэму ляціць аб'ект, паводзіны якога нагадваюць кіраваны касмічны карабель
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары