Navukoŭcy dakazali, što kaeficyjent intelektu źviazany z praciahłaściu žyćcia
Vysoki kaeficyjent intelektu (IQ) u dziacinstvie źviazany z ryzykaj śmierci ad zachvorvańniaŭ serca, insultu i demiencyi. Da takich vysnoŭ pryjšli navukoŭcy z Edynburhskaha univiersiteta. Z padrabiaznaściami možna aznajomicca ŭ British Medical Journal.
Śpiecyjalisty vyvučyli suviaź pamiž vynikami testaŭ na IQ, projdzienych va ŭzroście 11 hadoŭ, i hałoŭnymi pryčynami śmierci ŭ mužčyn i žančyn da 79 hadoŭ. Dla praviadzieńnia daśledavańniaŭ byli apracavanyja dadzienyja 33 tysiač mužčyn i 32 tysiač žančyn, jakija naradzilisia ŭ Šatłandyi ŭ 1936 hodzie. Pravodzić nazirańni navukoŭcy skončyli ŭ śniežni 2015 hoda, kali bolš za pałovu paddoślednych užo pamierli.
Pryčynami śmierci najbolš časta byli išemičnaja chvaroba serca, insult, reśpiratornyja zachvorvańni, roznyja vidy raku, demiencyja i samahubstva. Paśla ŭliku niekalkich faktaraŭ, jakija mahli paŭpłyvać na vyniki (sacyjalna-ekanamičny status paddoślednych i inš.), daśledčyki vyjavili, što bolš vysoki ŭzrovień intelektu ŭ dziacinstvie źnižaje ryzyku śmierci da 79 hadoŭ. Naprykład, vysoki IQ ŭ dziacinstvie na 28% źnižaŭ ryzyku śmierci ad reśpiratornych zachvorvańniaŭ, na 25% - ad išemičnaj chvaroby serca i na 24% - ryzyka śmierci ad insultu.
Taksama navukoŭcy płanujuć supastavić vyniki nazirańniaŭ z dadzienymi hienomnaha analizu, što dazvolić im zrazumieć, jakija hieny mohuć źviazvać daŭhalećcie i vysoki intelekt. Miarkujecca, što ład žyćcia, kureńnie, adukacyja, miedycynskaja piśmiennaść i hienietyka mohuć adyhrać peŭnuju rolu.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary