Фэйсбук спрасціў пісанне пастоў па-беларуску — інструкцыя, як дзейнічаць
Мала хто ведае, што у сацыяльнай сетцы «Фэйсбук» ёсць магчымасць апублікаваць адзін і той жа запіс адначасова на некалькіх мовах. Гэтым актыўна карыстаюцца палітыкі і публічныя асобы шматмоўных краін. Карыснай гэта функцыя можа быць і для беларусаў.
Дагэтуль у спісе моваў, на якіх можна было рабіць запіс, пазначыўшы, што ён менавіта на гэтай мове, беларускай не было. Але былі нават такія рэдкія еўрапейскія мовы, як брэтонская ці баскская. І вось гэтая несправядлівасць паспяхова выпраўленая.
Цяпер пры дадаванні новага запісу на сваёй старонцы проста націсніце «Напісаць пост на яшчэ адной мове» («Add post in another language») і дадайце ягоны пераклад.
Пры праглядзе вашае старонкі сябры самі змогуць выбраць мову, на якой яны жадаюць прачытаць ваш запіс.
Калі ў вас адсутнічае кнопка дадавання іншае мовы, гэта можна выправіць у наладах. Зайдзіце ў раздзел «Мова» і ў пункце «Multilingual Posts» змяніце «Turned off» на «Turned on».
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары