Генетыкі ўпершыню ў гісторыі кланавалі малпу. Ватыкан выступіў супраць
Кітайскія навукоўцы ўпершыню паспяхова кланавалі малпаў па метадзе, якім раней кланавалі авечку Долі, гаворыцца ў артыкуле, апублікаваным у часопісе Cell.
З нараджэння авечкі Долі ў 1996 годзе навукоўцы паспяхова кланавалі больш за дваццаць відаў жывёл, уключаючы сабак, катоў, свіней, кароваў і поні, але да гэтага часу не маглі зрабіць падобным чынам клона прыматаў, а менавіта ў гэты атрад ўваходзяць і людзі.
Цяпер гэты бар'ер пераадолены. Абедзве кланаваныя малпы — гэта самкі макака-крабаеда (Macaca fascicularis): адной — сем месяцаў, іншай — восем.
Кіраўнік даследавання, доктар Мумін Пу, кажа, што новае дасягненне патэнцыйна адкрывае дарогу да кланавання людзей, але рабіць гэтага яго група не будзе і плануе стварыць мноства генетычна ідэнтычных малпаў для выкарыстання ў медыцынскіх даследаваннях.
Працэс кланавання пакуль вельмі неэфектыўны: для атрымання двух малпаў спатрэбілася 127 яйкаклетак, і поспехаў навукоўцы дамагліся толькі з эмбрыёнам малпы. Кланаваць дарослую асобіну такім спосабам не атрымалася, у той час як Долі ў 1996 годзе зрабіла сенсацыю, бо была клонам менавіта дарослае авечкі.
Даследчыкі кажуць, што кланаванне зародкавых клетак разам з тэхнікамі генетычнага рэдагавання дазволіць атрымаць вялікую колькасць малпаў з пэўнымі генетычнымі дэфектамі, якія выклікаюць гэтакія ж хваробы ў людзей.
Выведзеных жывёл можна выкарыстоўваць для вывучэння падобных хваробаў і выпрабавання лекаў. Пачаць даследаванні генетыкі збіраюцца з хваробаў Альцгеймера і Паркінсана.
Тым часам сваю заклапочанасць гэтай падзеяй выказаў Ватыкан. Эксперт Ватыкана па пытаннях біяэтыкі кардынал Эліа Сгрэча заявіў:
«Несумненна, пераход ад першай авечкі Долі да іншых жывёлаў і зараз ужо да малпаў, найбольш блізкіх да чалавека прыматаў, уяўляе сабой замах на будучыню ўсяго чалавецтва».
-
Ён нагадвае марскога ската: амерыканскі стартап стварыў самалёт без звыклых крылаў і ілюмінатараў, які можа стаць новай старонкай у авіяцыі
-
Астэроід, які знішчыў дыназаўраў, мог выклікаць пажары па ўсёй планеце
-
Як спякота падчас цяжарнасці і ў першыя месяцы жыцця можа ўплываць на развіццё мозгу дзіцяці
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2626
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра26
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары