Буйныя гандлёвыя сеткі абавяжуць мець паліцы з прадукцыяй канцэрна «Беллегпрам»
На нарадзе ў канцэрне «Беллегпрам» абмеркавалі, як павялічыць прысутнасць беларускай прадукцыі на паліцах буйных гандлёвых сетак, паведамляе БелТА.
Паводле дзейных на сённяшні дзень патрабаванняў, усе рознічныя крамы павінны мець у продажы тавары айчыннай лёгкай прамысловасці, аднак на практыцы гэта выконваецца не ўсюды. Крамы часта перавагу аддаюць замежным вытворцам, а беларускія тавары размяшчаюць на менш прыкметных месцах.
Нядаўна прызначаная новая старшыня канцэрна Надзея Лазарэвіч адзначыла, што доля беларускіх тавараў у вядомых сетках — «Еўраопт», «Санта», «Суседзі» — складае ўсяго 0,2% ад агульнага аб’ёму паставак, што вельмі мала. Напрыклад, Баранавіцкае вытворчае баваўнянае аб'яднанне і Аршанскі льнокамбінат за дзевяць месяцаў паставілі ў адну з найбуйнейшых сетак прадукцыі толькі на 70 тысяч рублёў, хаця штомесяц вырабляюць тавару на больш чым 8 мільёнаў рублёў.
«Важна дамовіцца пра канкрэтныя планы паставак на астатнюю частку года і падрыхтаваць прапановы па загрузцы прадпрыемстваў, развіцці паставак на 2026 год», — падкрэсліла Лазарэвіч.
У сустрэчы ўдзельнічалі і прадстаўнікі сталічных універмагаў, якія ўжо маюць досвед працы з айчыннымі вытворцамі.
Паводле слоў кіраўніцы канцэрна, «Беллегпрам» плануе ініцыяваць змены ў пастанову №74, каб у крамах плошчай больш за 500 квадратных метраў абавязкова была асобная паліца з таварамі беларускай лёгкай прамысловасці.
Асаблівую ўвагу прапануецца звярнуць на прадукцыю Добрушскага фарфоравага завода, а таксама на палатняныя вырабы, ручнікі і пледы, якія пакуль мала прадстаўленыя ў сетках.
Па выніках нарады падрыхтуюць канкрэтныя прапановы па павелічэнні продажаў айчыннай лёгкай прамысловасці ў краіне.
Чаму ўсё, за што бярэцца Лукашэнка, правальваецца
Што народ думае пра Лугіну і «Камволь»
Надзея Лазарэвіч больш не намесніца мэра Мінска
Продажы беларускіх адзення і абутку ў Расіі моцна падаюць. У «Беллегпраме» патлумачылі чаму
Стылістка пракаментавала школьную форму «Беллегпрама» — а вам як? ШМАТ ФОТА
«Беллегпрам» прадставіў абутак «для сапраўдных патрыётаў» Беларусі
Цяпер чытаюць
Лукашэнка: Абмяркоўваем з ЗША вызваленне палітвязняў19
Каментары
Трэба кожнаму чыноўніку пад падпіску 2 касцюмы набываць і паліто.
Кожным разам, калі новая калекцыя.
Не набыў - не атрымаў прэміі.
І прадпрыемствы працуюць, і ўсе будуць у выканкамах моднікі і модніцы.
З прадажы нашага барахла атрымліваецце свой % бонус прэмію
А " беллегпрам" нічога ні здольна прапанаваць
Як Вы лічыце Что абярэ "менеджэр"???
Падобная формула дзейнічала і 30 год таму))) Ведаю аб чым кажу)))