У Салігорску заўважылі эксклюзіўны аўтамабіль, натхнёны «Фордам» 1938 года
На дарогах Салігорска заўважылі незвычайны аўтамабіль, які прываблівае ўвагу мінакоў і іншых кіроўцаў, а ў аматараў рэтра выклікае сапраўдную эйфарыю. Што за ён і колькі чаго пайшло на яго стварэнне? Выданне «Электронный Солигорск» пагутарыла са стваральнікам і ўладальнікам машыны.
Уладальнік, які аказаўся сціплым суразмоўцам, падзяліўся, што на стварэнне Ford Coupe Custom Street Rod у яго пайшло каля трох з паловай гадоў.
Гэта не першая сабраная ім машына. Да гэтага быў яшчэ адзін цікавы праект.
«Кастомнай зборкай аўтамабіляў я захапляюся даўно. Калі казаць менавіта пра гэты аўтамабіль, то на яго стварэнне натхнілі аўтамабілі маркі «Форд» 1938 года. Рухавік — 3,5 літра ад Infiniti FX35. Кузаў збіраў сам, без першапачатковай базы. Цяпер езджу на машыне сам», — падзяліўся аўтааматар.
Таксама салігорац расказаў, што кастомная зборка аўтамабіляў — гэта не асноўная яго дзейнасць. Займаецца ён гэтым у вольны ад асноўнай працы час. Цікавыя задумкі і планы ёсць, але гаварыць пра іх пакуль рана.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары