Спявачка Ёлка прыбрала з хіта згадванне кіеўскага аэрапорта Барыспаль на выступе ў Маскве
Папулярная ў Расіі ўкраінская спявачка Ёлка прыбрала згадванне кіеўскага аэрапорта Барыспаль з песні «Праванс» падчас выступу на расійскім «Залатым грамафоне» ў Маскве, піша The Insider.
На канцэрце ў Маскве ў гонар 30‑годдзя расійскай музычнай прэміі спявачка Ёлка (Лізавета Іванцыў) выступіла са сваім хітом «Праванс», які прынёс ёй славу ў 2011 годзе.
Словы песні былі зменены. Замест радка «завтра в 7:22 я буду в Борисполе сидеть в самолёте и думать о пилоте» свявачка спела «завтра в 7:22 я буду лететь к тебе, сидеть в самолёте и думать о пилоте».
Лізавета Іванцыў нарадзілася ва Украіне, у горадзе Ужгарад. Вайну ва Украіне ўсе гэтыя гады не каментавала. Упершыню яна выказалася 27 кастрычніка гэтага года. Яна заявіла, што жадае ўсім «мудрасці і міру»: «Няхай, калі ласка, у тых, хто гэтым усім… кіруе, хопіць мудрасці зрабіць так, каб гэта было не балюча. Таму што я хвалююся пра гэта штодня, у мяне баліць сэрца. У мяне там матуля, у мяне там столькі сяброў. У кожнага з вас ва Украіне вялікая колькасць сяброў. І я не ведаю чалавека, які б не хваляваўся з гэтай нагоды».
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
Если не знаешь, сколько ёлке лет - спили и посчитай годовые кольца.