Прэзідэнт ЗША Дональд Трамп заявіў, што ён перакананы ў блізкім падзенні рэжыму венесуэльскага лідара Нікаласа Мадура. Заяву Трамп зрабіў у інтэрв'ю CBS 2 лістапада.
Калі карэспандэнт спытала ў Трампа, ці лічыць ён, што «дні Мадура як прэзідэнта злічаныя», амерыканскі лідар адказаў, што менавіта так ён лічыць.
«Я б сказаў, так. Думаю, так», — сказаў Трамп.
Тым не менш, калі размова зайшла пра магчымасць пачатку наземнай аперацыі паміж ЗША і Венесуэлай, Трамп заняў больш асцярожную пазіцыю. І ён адмовіўся гаварыць журналісту, ці будуць наносіць ЗША наземныя ўдары па Венесуэле.
Заява Трампа прагучала на фоне павышанай напружанасці і павелічэння амерыканскай вайсковай прысутнасці ў Карыбскім басейне. ЗША ў гэты перыяд праводзілі шэраг удараў па суднах наркагандляроў, у выніку чаго загінулі дзясяткі чалавек.
Мадура, у сваю чаргу, абвінавачвае Вашынгтон у тым, што ён выкарыстоўвае абвінавачванні ў наркатэрарызме як шыльду для змены рэжыму і захопу багатых нафтавых рэсурсаў Венесуэлы.
Мадура нават папрасіў у Пуціна вайсковай дапамогі.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА28
Каментары