Hienietyki ŭpieršyniu ŭ historyi kłanavali małpu. Vatykan vystupiŭ suprać
Kitajskija navukoŭcy ŭpieršyniu paśpiachova kłanavali małpaŭ pa mietadzie, jakim raniej kłanavali aviečku Doli, havorycca ŭ artykule, apublikavanym u časopisie Cell.
Z naradžeńnia aviečki Doli ŭ 1996 hodzie navukoŭcy paśpiachova kłanavali bolš za dvaccać vidaŭ žyvioł, uklučajučy sabak, katoŭ, śviniej, karovaŭ i poni, ale da hetaha času nie mahli zrabić padobnym čynam kłona prymataŭ, a mienavita ŭ hety atrad ŭvachodziać i ludzi.
Ciapier hety barjer pieraadoleny. Abiedźvie kłanavanyja małpy — heta samki makaka-krabajeda (Macaca fascicularis): adnoj — siem miesiacaŭ, inšaj — vosiem.
Kiraŭnik daśledavańnia, doktar Mumin Pu, kaža, što novaje dasiahnieńnie patencyjna adkryvaje darohu da kłanavańnia ludziej, ale rabić hetaha jaho hrupa nie budzie i płanuje stvaryć mnostva hienietyčna identyčnych małpaŭ dla vykarystańnia ŭ miedycynskich daśledavańniach.
Praces kłanavańnia pakul vielmi nieefiektyŭny: dla atrymańnia dvuch małpaŭ spatrebiłasia 127 jajkakletak, i pośpiechaŭ navukoŭcy damahlisia tolki z embryjonam małpy. Kłanavać darosłuju asobinu takim sposabam nie atrymałasia, u toj čas jak Doli ŭ 1996 hodzie zrabiła siensacyju, bo była kłonam mienavita darosłaje aviečki.
Daśledčyki kažuć, što kłanavańnie zarodkavych kletak razam z technikami hienietyčnaha redahavańnia dazvolić atrymać vialikuju kolkaść małpaŭ z peŭnymi hienietyčnymi defiektami, jakija vyklikajuć hetakija ž chvaroby ŭ ludziej.
Vyviedzienych žyvioł možna vykarystoŭvać dla vyvučeńnia padobnych chvarobaŭ i vyprabavańnia lekaŭ. Pačać daśledavańni hienietyki źbirajucca z chvarobaŭ Alchiejmiera i Parkinsana.
Tym časam svaju zakłapočanaść hetaj padziejaj vykazaŭ Vatykan. Ekśpiert Vatykana pa pytańniach bijaetyki kardynał Elia Shreča zajaviŭ:
«Niesumnienna, pierachod ad pieršaj aviečki Doli da inšych žyviołaŭ i zaraz užo da małpaŭ, najbolš blizkich da čałavieka prymataŭ, ujaŭlaje saboj zamach na budučyniu ŭsiaho čałaviectva».
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary