Выпускнік Беларускай дзяржаўнай сельскагаспадарчай акадэміі Дзмітрый Балкунец, які цяпер працуе ў расійскай Вышэйшай школе эканомікі, на расійскім партале «Экономіка сегодня» выступіў у якасці эксперта і распавёў, чаму спробы Беларусі гуляць у геапалітыку нерацыянальныя.
Спробы Беларусі гуляць у геапалітыку, імкнучыся «прадаць» сябе як пасярэдніка паміж Расіяй і Захадам, нерацыянальныя — сёння Мінск не з'яўляецца тым гульцом, які карыстаецца аўтарытэтам на Захадзе. Такое меркаванне агучыў «эксперт па Беларусі» Дзмітрый Балкунец.
Было б рацыянальна для Мінска не гуляць у геапалітыку, а праводзіць дыялог і прыцягваць экспертаў для рэфармавання беларускай эканомікі, лічыць Балкунец.
Лукашэнка, які імкнецца стаць бліжэй да Захаду, па словах Балкунца, «імкнецца навязаць сябе і Маскве».
Задача Лукашэнкі, на думку эксперта — «паказаць сябе сябрам Расіі, хоць апошнія падзеі дэманструюць некаторую аддаленасць Мінска ад Масквы»
«Можна ўзгадаць красавіцкі візіт кіраўніка беларускага МЗС Макея ў Лондан у дзень, калі былі высланы адтуль расійскія дыпламаты. Гэта выразна дэманструе сённяшнія прыярытэты знешняй палітыкі Беларусі»,
— адзначыў Балкунец.
Балкунец лічыць, што наспела неабходнасць пераасэнсавання працэсаў паміж дзвюма краінамі, у тым ліку ў рамках Саюзнай дзяржавы
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары