Vypusknik Biełaruskaj dziaržaŭnaj sielskahaspadarčaj akademii Dźmitryj Bałkuniec, jaki ciapier pracuje ŭ rasijskaj Vyšejšaj škole ekanomiki, na rasijskim partale «Ekonomika siehodnia» vystupiŭ u jakaści ekśpierta i raspavioŭ, čamu sproby Biełarusi hulać u hieapalityku nieracyjanalnyja.
Sproby Biełarusi hulać u hieapalityku, imknučysia «pradać» siabie jak pasiarednika pamiž Rasijaj i Zachadam, nieracyjanalnyja — siońnia Minsk nie źjaŭlajecca tym hulcom, jaki karystajecca aŭtarytetam na Zachadzie. Takoje mierkavańnie ahučyŭ «ekśpiert pa Biełarusi» Dźmitryj Bałkuniec.
Było b racyjanalna dla Minska nie hulać u hieapalityku, a pravodzić dyjałoh i pryciahvać ekśpiertaŭ dla refarmavańnia biełaruskaj ekanomiki, ličyć Bałkuniec.
Łukašenka, jaki imkniecca stać bližej da Zachadu, pa słovach Bałkunca, «imkniecca naviazać siabie i Maskvie».
Zadača Łukašenki, na dumku ekśpierta — «pakazać siabie siabram Rasii, choć apošnija padziei demanstrujuć niekatoruju addalenaść Minska ad Maskvy»
«Možna ŭzhadać krasavicki vizit kiraŭnika biełaruskaha MZS Makieja ŭ Łondan u dzień, kali byli vysłany adtul rasijskija dypłamaty. Heta vyrazna demanstruje siońniašnija pryjarytety źniešniaj palityki Biełarusi»,
— adznačyŭ Bałkuniec.
Bałkuniec ličyć, što naśpieła nieabchodnaść pieraasensavańnia pracesaŭ pamiž dźviuma krainami, u tym liku ŭ ramkach Sajuznaj dziaržavy
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary