Сталі вядомыя меры, прынятыя для прафілактыкі каранавіруса ў сістэме МУС
У «Нашу Ніву» трапіла распараджэнне міністра ўнутраных спраў Юрыя Караева, датаванае яшчэ 23 сакавіка.
Яно называецца «Аб прафілактычных мерапрыемствах» і прысвечана дзеянням ведамства ва ўмовах пандэміі каранавіруса.
У распараджэнні Караеў, апроч іншага, патрабуе ад сваіх супрацоўнікаў наступнага.
— Абмежаваць правядзенне службовых нарад ці арганізоўваць іх у відэа-рэжыме, у выпадку абгрунтаванай неабходнасці арганізоўваць нарады ў прасторных службовых памяшканнях з добрым праветрываннем, з удзелам мінімальнай колькасці супрацоўнікаў.
— Адмяніць правядзенне вучэбна-трэніровачных і вучэбна-метадычных збораў, спартовых і спартова-масавых мерапрыемстваў.
— Арганізаваць штодзённы агляд на наяўнасць скаргаў на стан здароўя курсантаў, вайскоўцаў унутраных войскаў.
— Не дапускаць да службы з сімптомамі вострай рэспіраторнай інфекцыі.
— Раіць супрацоўнікам выключыць выезд за межы Рэспублікі Беларусь.
— Выключыць допуск у будынкі АУС асоб з сімптомамі ВРІ.
— Абмежаваць кароткатэрміновыя звальненні вайскоўцаў тэрміновай службы, курсантаў МУС, адпачынкі салдат тэрміновай службы, а таксама абмежаваць наведванні сваякамі і іншымі асобамі вайскоўцаў тэрміновай службы.
— Абмежаваць прадастаўленне вучням «Спецыялізаванаага ліцэя МУС» звальненні за межы ўстановы адукацыі.
— Арганізаваць правядзенне тлумачальнай работы с супрацоўнікамі, курсантамі […] па пытаннях прафілактыкі каранавіруснай інфекцыі, аб часовым характары абмежавальных захадаў, выкладзеных у дадзеным распараджэнні […] а таксама персанальнай адказнасці і наступствах невыкання рэкамендацый па паводзінах ва ўмовах стрымлівання перадачы і прадухілення распаўсюду каранавіруснай інфекцыі.
— Прыпыніць прадастаўленне асобам, якія ўтрымліваюцца ва ўстановах крымінальна-выканаўчай сістэмы, кароткатэрміновых і працяглых спатканняў з наступным захаваннем іх колькасці.
— Максімальна пашырыць практыку прадастаўлення тэлефонных размоў асуджаным, у тым ліку з выкарыстаннем сістэм відэасувязі.
— Асоб, якія паступаюць ва ўстановы крымінальна-выканаўчай сістэмы, апытваць на прадмет выезду за межы Рэспублікі Беларусі. У выпадку выяўлення […] ажыццяўляць іх ізаляцыю ў асобнае памяшканне, праводзіць медыцынскае назіранне.
— Забяспечыць наяўнасць дэзынфікуючых сродкаў у машынах.
— Забяспечыць неабходны запас рэнтгенаўскай стужкі ды інш.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары