Па заканчэнні біятлоннага сезона чатырохразовая алімпійская чэмпіёнка Дар'я Домрачава разам з сям'ёй вярнулася ў Мінск, піша Sport.tut.by.
— Так супала, што каранавірусны перыяд у свеце прыйшоўся на перапынак у цэнтралізаванай падрыхтоўцы кітайскай каманды, — расказала алімпійская чэмпіёнка. — Таму мы з сям'ёй адправіліся ў Мінск, а нашы спартсмены — у Кітай, дзе да гэтага часу пасля вяртання з Еўропы знаходзяцца на строгім каранціне без магчымасці выхаду на вуліцу.
Пры гэтым трэнеры Домрачава і Б'ёрндален штодня адпраўляюць біятланістам трэніровачны план.
Праца ў біятлоннай пары працягваецца, хай і ў меншых аб'ёмах.
— Астатні час прысвячаем хатнім справам, прагулкам і гульням з дачкой. Таксама падтрымліваем фізічную форму з дапамогай прабежак на прыродзе, заняткаў на велатрэнажоры і сілавых практыкаванняў дома. У горад імкнемся не выбірацца, — падкрэслівае алімпійская чэмпіёнка. — Зрэдку выязджаем па прадукты, калі ўзнікаюць перабоі ў працы сайта дастаўкі. У такім разе, вядома ж, апранаем маскі.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары