18 мая на 66-м годзе жыцця памёр вядомы беларускі дырыжор і музычны педагог Пятро Вандзілоўскі, паведамляе Tut.by.
Ён працаваў у Дзяржаўным акадэмічным сімфанічным аркестры Беларусі, быў галоўным дырыжорам Сараеўскага філарманічнага аркестра, узначальваў Дзяржаўны камерны аркестр. Больш за 20 гадоў Пятро Віктаравіч загадваў кафедрай аркестравага дырыжыравання Беларускай дзяржаўнай акадэміі музыкі, з 1999 года ўзначальваў камерны аркестр акадэміі.
Пятро Віктаравіч вёў актыўную канцэртную дзейнасць: выступаў з сімфанічным аркестрам Белтэлерадыёкампаніі, Мінскім дзяржаўным аркестрам духавых інструментаў «Няміга», гастраляваў па Расіі, Украіне, Польшчы, Германіі, Бельгіі, Нідэрландам, Іспаніі, Італіі, Турцыі, Харватыі, Сербіі, Сірыі, Фінляндыі.
У Акадэміі ўдакладнілі, што развітанне пройдзе ў вузкім коле. У сувязі з неспрыяльнай эпідэміялагічнай сітуацыяй у Мінску часова не праводзяцца ўрачыстыя паніхіды.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі
Каментары