Свет1616

Расія выпрабоўвае электрамагнітныя гарматы: што гэта за зброя і чым яна страшная

Далёкасць гарантаванага знішчэння цэляў расійскімі электрамагнітнымі гарматамі, што праходзяць палігонныя выпрабаванні, даведзена да 10 км. Раней яны маглі эфектыўна страляць на дыстанцыю 1-2 км. Пра гэта паведамілі tass.ru крыніцы ў абаронна-прамысловым комплексе РФ.

Выпрабаванні электрамагнітнай зброі ідуць з 2015 года.

Адна з крыніц адзначыла, што «знішчэнне лятальных апаратаў на дыстанцыі ў 10 км забяспечваецца за кошт спальвання электронных кампанентаў іх бартавой апаратуры». Суразмоўца дадаў, што стрэл электрамагнітнай гарматы доўжыцца мілісекунды і, улічваючы адлегласць да цэлі, дасягае яе імгненна, бо электрамагнітнае выпраменьванне пашыраецца з хуткасцю святла.

Крыніцы адзначылі, што на выпрабаваннях расійскія ЭМВ-гарматы спальвалі без магчымасці аднаўлення розныя прыборы на зямлі, а таксама эфектыўна знішчалі беспілотнікі. Па словах суразмоўцаў, галоўнай праблемай такой зброі на сёння застаецца патрэба ў вялікіх аб'ёмах электраэнергіі, таму мабільны ўдарны ЭМВ-комплекс у найбліжэйшай перспектыве стварыць не ўдасца.

Суразмоўцы таксама растлумачылі, чым ЭМВ-зброя розніцца ад сістэм радыёэлектроннай барацьбы (РЭБ). Большасць сучасных комплексаў РЭБ могуць ствараць перашкоды для электронікі праціўніка на адлегласці ў некалькі сотняў кіламетраў, аднак яны маюць несувымерна меншую магутнасць і не выводзяць прыборы з ладу. ЭМВ-гарматы знішчаюць апаратуру на фізічным узроўні.

У ЭМВ-гарматах выкарыстоўваецца электрамагнітнае выпраменьванне звышвысокай частаты, таксама званае электрамагнітным «стрэлам». Выпраменьванне электрамагнітнай гарматы за долі секунды разагравае цэль да вельмі высокіх тэмператур.

Такой зброяй, у прыватнасці, плануецца абсталёўваць беспілотны варыянт знішчальніка 6-га пакалення. На пілатаваным самалёце электрамагнітную зброю ўжываць небяспечна, бо яна можа зашкодзіць уласнаму лётчыку.

Каментары16

Цяпер чытаюць

Беларуска год адпрацавала дальнабойшчыцай у Еўропе. Цяпер спрабуе паступіць у італьянскі ўніверсітэт5

Беларуска год адпрацавала дальнабойшчыцай у Еўропе. Цяпер спрабуе паступіць у італьянскі ўніверсітэт

Усе навіны →
Усе навіны

Лукашэнка паляцеў у Расію1

Загінуў аўтаслесар-лудаман з Віцебшчыны. Грошы прайграваў у казіно, а зарабляць пайшоў на вайну4

Зяленскі гатовы сустрэцца з Пуціным нават у Антарктыдзе3

Скардзіўся на зубны боль і апынуўся ў рэанімацыі. Удава расказала пра раптоўную смерць мужа14

Расіянін месяц лётаў па Беларусі на машыне так, што атрымаў больш за 20 штрафаў на круглую суму9

Расія, Украіна і ЗША аднаўляюць перамовы пасля доўгай паўзы. Чаго чакаць ад сустрэчы ў Абу-Дабі?4

Букераўскую прэмію 2026 года атрымаў фантаст М. Джон Харысан за раман «Канец усяго» пра свет пасля катастрофы

У Мінску прадаюць дом з уласным басейнам, пра які можна марыць. Але цана кусаецца3

У аэрапорце Каліфорніі самалёт перакуліўся ўверх коламі1

больш чытаных навін
больш лайканых навін

Беларуска год адпрацавала дальнабойшчыцай у Еўропе. Цяпер спрабуе паступіць у італьянскі ўніверсітэт5

Беларуска год адпрацавала дальнабойшчыцай у Еўропе. Цяпер спрабуе паступіць у італьянскі ўніверсітэт

Галоўнае
Усе навіны →

Заўвага:

 

 

 

 

Закрыць Паведаміць