Дзівоснае супадзенне: браты-праграмісты, затрыманыя ў розных месцах, сустрэліся ў адным аўтазаку ФОТА
«З двух мільёнаў мінчукоў і дзясяткаў тысяч пратэстоўцаў лёс склаўся так, што пасля затрымання ў розных месцах мы цалкам выпадкова апынуліся ў адным аўтазаку з родным братам. It’s a small world», — напісаў у фэйсбуку праграміст Аляксандр Куўшынаў.
Куўшынава затрымалі ўвечары 15 ліпеня на плошчы Незалежнасці, недалёка ад Цэнтравыбаркама. Амапаўцы знялі Аляксандра проста з ровара.
Аляксандр Куўшынаў — дырэктар Wialon, флагманскага прадукту беларускай ІТ-кампаніі Gurtam, што на сусветным узроўні займаецца распрацоўкай праграмнага забеспячэння для GPS-маніторынгу. Брат Аляксандра Віктар — таксама праграміст, кіраўнік кампаніі PandaDoc, зарэгістраванай у Каліфорніі.
Учора некалькі тысяч чалавек сталі ў чаргу, каб падаць скаргу ў Цэнтравыбаркам пасля нерэгістрацыі Віктара Бабарыкі кандыдатам у прэзідэнты.
У Мінску 2500 чалавек прыйшлі, каб падаць пратэст Ярмошынай
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары