«Сказаў, што ў дзеяннях АМАПа не было жорсткасці — і атрымаў у вока»: сталініст сцвярджае, што яго пабілі за падтрымку Лукашэнкі
Мікалай Валовіч — ідэйны сталініст, з’яўляецца другім сакратаром КПБ Савецкага раёна Мінска.
На гэтых выбарах ён, як і ўся партыя камуністаў, падтрымліваў Аляксандра Лукашэнку. Не змяніў Валовіч свайго стаўлення і пасля выбараў. У выніку з ім адбыўся не самы прыемны інцыдэнт.
У размове з журналістам «НН» Мікалай Валовіч расказаў, што ў ноч на 23 жніўня позна вяртаўся дадому. «Гэта было прыкладна а 0:00-0:10, выйшаў з таксі не зусім каля дома, а хацеў яшчэ трошку прагуляцца, бо было добрае надвор’е. Усё гэта адбывалася ў дварах на вуліцы Прытыцкага».
Камуніст кажа, што на дзіцячай пляцоўцы ў той час знаходзілася група з чатырох маладзёнаў, яны паклікалі Валовіча да сябе. «Сталі пытацца, што я думаю пра дзеянні АМАПа, за каго галасаваў на выбарах. Я шчыра адказаў, што галасаваў за Лукашэнку, а ў дзеяннях АМАПа не бачу празмернай жорсткасці. У гэты момант на мяне сталі крычаць «фашыст» і «садыст». Адзін з прысутных паваліў мяне і прыціснуў каленам горла, потым нанёс удар у твар», — расказвае Валовіч.
Па ягоных словах, гвалт супраць яго прымяняў толькі адзін хлопец з кампаніі. Валовіч напісаў заяву ў міліцыю, удзельнікаў інцыдэнту пакуль не знайшлі.
«Наўрад ці нехта мяне мэтанакіравана чакаў, хутчэй, гэта адбылося выпадкова. Так атрымалася, што на той момант нікога побач не было. Калі я ўжо адтуль сышоў, то набраў 102. Міліцыя прыехала хутка, але нападнікаў ужо не было на месцы.
Мне здаецца, што прапаганда, якая ліецца з тэлеграм-канала Нехта і тэлеканала «Белсат», моцна адбілася на псіхіцы гэтых людзей», — разважае ён.
У выніку ў Валовіча кровападцёк вока, фінгал, ранкі, а таксама пагоршыўся зрок. «Было цёмна, добра я гэтых людзей не запомніў. Магу сказаць, што на іх было цёмнае адзенне і ростам яны былі вышэй за мяне, дзесьці 180 см, моцныя такія хлопцы», — кажа мужчына.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары