Паэт Дзмітрый Строцаў асуджаны судом Цэнтральнага раёна Мінска на 13 сутак адміністрацыйнага арышту за ўдзел у «несанкцыянаваным мерапрыемстве». Судзіла паэта суддзя Вікторыя Шабуня, піша Радыё Свабода.
«Судзілі па 23.34, — расказала яго жонка Ганна Строцава, якая была на судзе. — Нібыта ёсць відэа з нейкай камеры, на якім 4 кастрычніка побач з Дзмітрыем ідзе калона людзей са сцягамі. А ён паказвае «вікторыю». Гэта цяпер дастаткова, каб пасадзіць чалавека на 13 сутак».
Дзмітрый, па словах Ганны, на судзе распавёў, што затрымалі яго каля іх дома. «Затэлефанаваць сваякам не далі, — кажа Ганна. — Але недзе каля 19-й гадзіны яму сказалі, што мне паведамілі. Хоць гэта няпраўда, мы а 23-й вечара ўчора падавалі заяву пра знікненне чалавека».
Па словах Ганны, муж выглядае нармальна, наколькі гэта было відаць праз экран у скайпе. Ні на што не скардзіўся. Цяпер яна спрабуе паспець перадаць неабходныя яму лекі.
«У яго не вельмі добрая кардыялагічная сітуацыя, — кажа яна. — Ён увесь час прымае падтрымліваючыя лекі. І ён алергік, у яго бранхіяльна-лёгачнага плану алергія, лекі яму неабходныя».
Дзмітрый Строцаў удзельнічаў у акцыях пратэсту супраць фальсіфікацыі выбараў і адкрыта пісаў пра гэта. Пра сітуацыю ў краіне ён казаў і ў сваёй творчасці — некаторыя ягоныя вершы ўжо перакладзеныя на іншыя мовы.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары