Яна памерла ў шпіталі ў выніку каранавіруса і ўскладнення хранічных хваробаў, паведамляе «Радыё Рацыя».
Таццяна Маліноўская (дзявочае прозвішча Петухова) нарадзілася ў 1953 годзе. Працавала настаўніцай гісторыі, грамадазнаўства і беларускай літаратуры ў СШ №1, навуковым супрацоўнікам абласнога гістарычна-археалагічнага музея, была загадчыцай аддзела інстытута «Гроднапраектрэстаўрацыя».
З 1990 года Таццяна Маліноўская працавала выкладчыцай кафедры беларускай культуры Гродзенскага ўніверсітэта. Вывучала архітэктуру Гарадзеншчыны, беларускае народнае мастацтва, выяўленчае мастацтва.
Была адной са стваральніц і першай старшынёй (да 1999 года) Фонду Льва Сапегі. Была сябрам БНФ і дэпутатам гарадскога савета, належала беларускамоўнай каталіцкай інтэлігенцыі. Цэлы час цікавілася грамадскім і культурным жыццём Гродна.
Апошнія месяцы як звычайна выяўляла салідарнасць і неаднаразова са сваёй сціплай пенсіі ахвяравала сродкі для пацярпелых ад рэпрэсій.
Каментары