«Мы можам сутыкнуцца зь неплатаздольнасьцю беларускага ўраду і наагул эканомікі, магчыма нават пры канцы гэтага году, а можа — праз год», — патлумачыў міністр фінансаў Расіі Кудрын.
Пра гэта паведаміў журналістам віцэ‑прэм’ер, міністр фінансаў Расіі Аляксей Кудрын перад пачаткам пасяджэння савета міністраў саюзнай дзяржавы 28 мая ў Мінску.
Паводле яго словаў, прадастаўленне гэтага траншу залежыць ад эканамічнай палітыкі дзяржавы. «Гэта звязана з тым, што ў беларускай эканоміцы ўзмацняюцца дыспрапорцыі і дысбалансы», — патлумачыў Кудрын.
Ён таксама нагадаў пра тое, што МВФ затрымлівае выдачу Беларусі чарговага траншу крэдыту.
«На наш погляд, урад Беларусі робіць недастатковыя захады, каб забяспечыць плацежаздольнасць сваёй эканомікі, — сказаў міністр. — Мы можам сутыкнуцца зь неплатаздольнасьцю беларускага ўраду і наагул эканомікі, магчыма нават пры канцы гэтага году, а можа — праз год», — сказаў Кудрын.
У Беларусі, паводле яго словаў, «ідзе адцягванне крызісных з’яў штучным чынам».
За кошт «масіраванай крэдытнай падтрымкі», працягнуў Кудрын, беларускае кіраўніцтва спрабуе кампенсаваць структурныя недахопы прамысловасці і вонкавага экспартнага патэнцыялу, якога, паводле яго словаў, відавочна недастаткова для таго, каб падтрымліваць плацёжныя баланс і курс валюты на неабходным узроўні.
Паводле словаў расійскага міністра, першыя крокі, якія зрабіў урад Беларусі ў рэфармаванні эканомікі, у тым ліку дамоўленасці з МВФ і урадам Расіі, «былі хоць і балючымі, але ў правільным напрамку».
Аднак затым гэтыя крокі спыніліся, «больш за тое, быў прыняты шэраг захадаў процілеглага характару, падкрэсліў Кудрын.
У прыватнасці, ён указаў на уведзеныя ў Беларусі абмежавальныя захады на валютным рынку.
Цяпер чытаюць
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы21
Каментары