«My možam sutyknucca ź niepłatazdolnaściu biełaruskaha ŭradu i naahuł ekanomiki, mahčyma navat pry kancy hetaha hodu, a moža — praz hod», — patłumačyŭ ministr finansaŭ Rasii Kudryn.
Pra heta paviedamiŭ žurnalistam vice‑premjer, ministr finansaŭ Rasii Alaksiej Kudryn pierad pačatkam pasiadžeńnia savieta ministraŭ sajuznaj dziaržavy 28 maja ŭ Minsku.
Pavodle jaho słovaŭ, pradastaŭleńnie hetaha tranšu zaležyć ad ekanamičnaj palityki dziaržavy. «Heta źviazana z tym, što ŭ biełaruskaj ekanomicy ŭzmacniajucca dyspraporcyi i dysbałansy», — patłumačyŭ Kudryn.
Jon taksama nahadaŭ pra toje, što MVF zatrymlivaje vydaču Biełarusi čarhovaha tranšu kredytu.
«Na naš pohlad, urad Biełarusi robić niedastatkovyja zachady, kab zabiaśpiečyć płaciežazdolnaść svajoj ekanomiki, — skazaŭ ministr. — My možam sutyknucca ź niepłatazdolnaściu biełaruskaha ŭradu i naahuł ekanomiki, mahčyma navat pry kancy hetaha hodu, a moža — praz hod», — skazaŭ Kudryn.
U Biełarusi, pavodle jaho słovaŭ, «idzie adciahvańnie kryzisnych źjaŭ štučnym čynam».
Za košt «masiravanaj kredytnaj padtrymki», praciahnuŭ Kudryn, biełaruskaje kiraŭnictva sprabuje kampiensavać strukturnyja niedachopy pramysłovaści i vonkavaha ekspartnaha patencyjału, jakoha, pavodle jaho słovaŭ, vidavočna niedastatkova dla taho, kab padtrymlivać płaciožnyja bałans i kurs valuty na nieabchodnym uzroŭni.
Pavodle słovaŭ rasijskaha ministra, pieršyja kroki, jakija zrabiŭ urad Biełarusi ŭ refarmavańni ekanomiki, u tym liku damoŭlenaści z MVF i uradam Rasii, «byli choć i balučymi, ale ŭ pravilnym napramku».
Adnak zatym hetyja kroki spynilisia, «bolš za toje, byŭ pryniaty šerah zachadaŭ procilehłaha charaktaru, padkreśliŭ Kudryn.
U pryvatnaści, jon ukazaŭ na uviedzienyja ŭ Biełarusi abmiežavalnyja zachady na valutnym rynku.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary