На плошчы Перамен ізноў былі сілавікі. Затрымалі аднаго мужчыну
Сёння чытачы паведамілі нам пра затрыманні на плошчы Перамен у Мінску, дзе ў лістападзе быў забіты Раман Бандарэнка.
Там была сапраўдная спецаперацыя: задзейнічаныя дзясяткі сілавікоў.
Людзі ў чорным з'явіліся на плошчы Перамен якраз у той час, калі жыхары навакольных дамоў выйшлі з ліхтарыкамі ў памяць аб Рамане Бандарэнку.
Мясцовая жыхарка распавяла «Нашай Ніве» пра падзеі на плошчы Перамен (ПП):
«Міліцыянты на ПП дзяжураць з 12 лістапада кругласутачна: раней стаяў сіні аўтобус, цяпер стаіць джып, а двор патрулюць ад двух да шасці чалавек. Сёння яны былі таксама тут, дзесьці ў двары. Бо настолькі хутка прыехаць яны б проста не паспелі.
Жыхары падышлі да будкі, запалілі ліхтарыкі на тэлефонах і пачалі крычаць «Жыве!», а праз секунд 20 на плошчы з'явіліся сілавікі, якія пачалі хапаць тых, хто побач — у выніку схапілі толькі аднаго з мужчын.
Пачалася мітусня, мужчыну з жонкай прыціснулі да сцяны, яна яго абняла, каб не забралі. Яны крычалі, што ў іх двое дзяцей. Міліцыя выклікала падмацаванне, але ніхто не прыехаў.
Вакол будкі стаялі мясцовыя жыхары: прасілі адпусціць затрыманых. У выніку прыйшоў міліцыянер з газавым балонам. Людзі, ўбачыўшы гэта, пачалі разыходзіцца. У выніку мужчыну забралі, жонку пакінулі — яна ў стрэсе плакала, змагла сказаць толькі прозвішча мужа: Чадзюк або Чудзюк.
Цяпер на ПП засталіся толькі сілавікі, жыхары разышліся».
-
Каго вышуквае міліцыя? Па 39% — палітычных і аліментшчыкаў. Рэшта — усе астатнія артыкулы ФОТАФАКТ
-
Ціханоўская пачала ўдзел у саміце Еўрапейскай палітычнай супольнасці з сустрэчы з Зяленскім
-
Беларусы начамі стаяць у чарзе, каб уладкавацца на склад Wildberries у «Вялікім камені» з заробкам ад 1500 рублёў
Цяпер чытаюць
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары