Някляеў распачаў серыю прэзентацый свайго новага рамана ў Польшчы
Пісьменнік Уладзімір Някляеў выдаў новы раман «Гэй Бэн Гіном». З палітычных прычынаў гэты твор не ўдалося выдаць у Беларусі, ён з'явіўся у Польшчы, адкуль аўтар і пачаў цыкл прэзентацый, учора першая з іх адбылася ў Кракаве, паведамляе Польскае радыё.
«Раман стаў актуальны, бо вярнулася тое, што, здавалася, назаўсёды засталося ў гісторыі. Сённяшняе пакаленне беларусаў паўтарае лёс пакалення сталінскіх часоў. Гадоў рэпрэсій, ахвярмі якіх сталі найлепшыя сыны і дочкі Беларусі. У тым ліку нацыянальны геній Янка Купала, пра жыццё і гібель якога раман.
Шмат хто пытае пра назву кнігі: што яна азначае? У перакладзе гэта «Геена вогненная». Ці папросту пекла, у якім (у вечным страху быць арыштаванымі, апынуцца ў турмах, у лагерах, у Курапатах) пражылі сваё жыццё персанажы рамана. І ў якім тысячы беларусаў неспадзявана апынуліся сёння…» — пiша Уладзімір Някляеў у Фэйсбуку.
Расклад прэзентацый па месцы і часе:
26.11., пятніца, Вроцлаў — Wrocławski Dom Literatury «Klub Proza», Przejście Garncarskie 2, godz. 18:00
27.11., субота, Познань — Centrum Kultury Zamek Sala Wielka, ul. Św. Marcin 80/82, godz. 16.00
28.11., нядзеля, Гданьск — Miejski Teatr Miniatura, aleja Grunwaldzka 16, godz. 15:30
29.11., панядзелак, Варшава — ul. Kryniczna 6, godz. 18:00
30.11., аўторак, Лодзь — Dom Literatury, ul. Franklina Delano Roosevelta 17, godz. 18:00
01.12., серада, Беласток — Podlaski Instytut Kultury, ul. Św. Rocha 14 (Spodki), godz. 17:00
02.12., чацвер, Бельск Падляскі — Bielski Dom Kultury, ul. 3 Maja 2, godz. 17.00
03.12., пятніца, Вільня — Саюз пісьменнікаў Літвы, вул. К. Сірвідо 6 (К.Sirvydo 6), 17.00
04.12., субота, Вільня — Беларускі дом, Vilniaus g. 20, 17:00
Раман мае дзве галоўныя сюжэтныя лініі. Цэнтральны герой першай — Янка Купала, жыццё якога абарвалася ў чэрвені 1942 года ў сталіцы савецкай імперыі ў выніку падзення ў лесвічны пралёт гатэля «Масква». Дакументы пра смерць Купалы дагэтуль засакрэчаныя, што дае падставы для некалькіх версій, хоць большасць даследчыкаў пагаджаюцца, што гэта было арганізаванае спецслужбамі забойства.
Галоўны герой другой сюжэтнай лініі рамана — малады беларускі паэт Віктар Магер, студэнт маскоўскага Літаратурнага інстытута, які вядзе багемнае жыццё, крыху дысідэнцтвуе, але найбольш франдзіруе, што выяўляецца і ў яго працы качагарам. Выпадковае знаёмства, а затым інтымныя стасункі з Ганнай, дачкой аднаго з кіраўнікоў СССР, набліжаюць Магера да ўлады і нараджаюць у яго фантазіі пра магчымасць паўплываць на далейшы ход савецкай гісторыі.
Цяпер чытаюць
Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы4
Каментары