Журналіст Андрэй Аляксандраў узнагароджаны літоўскай «Надзеяй свабоды»
Статуэтка будзе ўручаная калегам зняволенага журналіста 10 снежня падчас літоўска-беларускага форуму.
«Супольнасць журналістаў Літвы з непакоем сочыць за тым, як з дапамогай рэпрэсій спрабуюць патапіць свабодныя СМІ ў Беларусі. Журналістаў закрываюць у турмах, і літоўскія журналісты адчуваюць боль. Таму ў знак салідарнасці з закрытымі ў турмах беларускімі журналістамі літоўская супольнасць журналістаў вырашыла заснаваць для іх прэмію «Надзея свабоды»», — сказаў кіраўнік Літоўскага саюза журналістаў Дайнюс Радзявічус.
Прэмія ўручаецца з нагоды Міжнароднага дня правоў чалавека (памер 1000 еўра). Гэтая прэмія была заснаваная ў мінулым годзе. Яе ініцыятары і мецэнаты — дэпутат Казіс Старкявічус, яго сям'я і дзве арганізацыі літоўскіх журналістаў.
Андрэй Аляксандраў — журналіст і медыяменеджар, экс-намеснік генеральнага дырэктара БелаПАН. Арыштаваны 12 студзеня 2021 года разам з Ірынай Злобінай; у чэрвені Аляксандраву выставілі абвінавачванне паводле ч. 1 арт. 356 Крымінальнага кодэкса («Здрада дзяржаве»). Яму пагражае ад 7 да 15 гадоў пазбаўлення волі.
Журналіст Андрэй Аляксандраў з СІЗА: Я не расчараваўся ў ніводным чалавеку
Андрэй Аляксандраў даслаў з турмы моцны верш пад назвай «#»
Палітзняволеныя Андрэй Аляксандраў і Ірына Злобіна збіраюцца ажаніцца ў СІЗА
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай31
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары