Луцкі: Лукашэнка даў даручэнне правесці ацэнку дзеянняў кампаніі A1 і прыняць самыя жорсткія меры
«Тэлекамунікацыйны і кантэнт-правайдар А1 у пэўным сэнсе «зліваў» не той кантэнт і не туды. Гэта парушае любыя маральныя, этычныя і юрыдычныя нормы і правілы. У сувязі з гэтым Аляксандрам Лукашэнкам дадзена даручэнне правесці ацэнку дзеянняў кампаніі», — паведаміў намеснік кіраўніка адміністрацыі Лукашэнкі Ігар Луцкі.
Як ён адзначыў, па даручэнні Лукашэнкі будуць прыняты самыя жорсткія меры. Неабходна разабрацца, што адбываецца ў кампаніі і надалей не дапускаць падобнага.
Нагадаем, што 10 снежня стала вядома пра затрыманне прэс-сакратара кампаніі A1 Мікалая Брэдзелева, якога пазней асудзілі на 15 сутак. Аператара абвінавацілі ў «зліве» звестак абанентаў, але доказаў гэтаму прадстаўлена не было.
У кампаніі заявілі, што Брэдзелеў не меў доступу да персанальных даных кліентаў, і паабяцалі правесці ўнутраную праверку.
Цяпер чытаюць
Літва зноў зачыніла мяжу з Беларуссю — ізноў шары з кантрабандай15
Каментары