У Рэчыцы затрымліваюць сяброў Змітра Усхопава, які памёр у навагоднюю ноч пасля затрымання міліцыяй
Праваабаронцам стала вядома пра як мінімум чацвярых затрыманых у Рэчыцы блізкіх сяброў Змітра Усхопава.
Зміцер Усхопаў. Фота з сацсетак.
Сёння ў Рэчыцы мае адбыцца пахаванне 28-гадовага маладога чалавека, які памёр пасля таго, як быў затрыманы міліцыяй у навагоднюю ноч.
На гэты момант пацверджаная інфармацыя пра затрыманне самых блізкіх сяброў Змітра, якія меліся прыйсці на пахаванне. Гэта Аляксей і Ганна Давыдковы, Аляксандр Снапкоў ды Ілля Бракарэнка.
Іх чакалі на пахаванні, у тым ліку для дапамогі. Але раніцай яны не выйшлі на сувязь. Пазней родзічы паведамілі, што іх затрымалі.
Таксама цяпер адсутнічае сувязь яшчэ з некалькімі людзьмі з кола зносінаў Змітра Усхопава. Але іх затрыманне пакуль няма каму пацвердзіць ці абвергнуць. Інфармацыя пра іх лёс высвятляецца.
Каментары