Ніно Чэруці быў 91 год, ён быў заснавальнікам аднаго з самых папулярных дамоў італьянскай моды «Cerruti 1881». Куцюр'е памёр у бальніцы горада Верчэлі ў П'емонце, дзе яму павінны былі зрабіць аперацыю на сцягне.
Свой першы буцік ён адкрыў у Парыжы ў 1967 годзе. Але ў ягонай сям'і была трывалая традыцыя вытворчасці тканін на ўласнай мануфактуры: ткацкую фабрыку ў горадзе Біела заснаваў у 1881 годзе яшчэ ягоны дзед. Ад года яе заснавання пайшла назва фірмы — «Cerruti 1881».
Як адзначае «Франс Прэс», ягонае рашэнне вырабляць для мужчын і жанчын вопратку аднолькавых мадэляў зрабіла рэвалюцыйны эфект у індустрыі моды.
Чэруці настойваў, што павінен першым апрабоўваць свае мадэлі адзення. «Я заўсёды рабіў вопратку толькі для аднаго чалавека — мяне самога», — неяк сказаў ён.
Пад кіраўніцтвам Чэруці сваю кар'еру пачыналі многія карыфеі моды, уключаючы Джорджыа Армані. Мадэльер быў афіцыйным дызайнерам каманды «Ferrari» ў гонках «Formula 1», ягоную вопратку насілі многія галівудскія акцёры, у тым ліку Джэк Нікалсан, Майкл Дуглас, Шарон Стоўн, Джулія Робертс і Том Хэнкс.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары