Тунэлі пойдуць на восем метраў ніжэй за Свіслач — як ідзе будаўніцтва Зеленалужскай лініі метро ФОТЫ
Будаўніцтва новага ўчастка Зеленалужскай лініі метро працягваецца. У студзені 2026‑га спецыялісты пачалі інжынерную падрыхтоўку тэрыторыі побач з гасцініцай «Юбілейная», агарадзілі ўчастак каля Свіслачы. Якія работы зараз выконваюцца, «Мінск-Навінам» распавёў намеснік старшыні Мінгарвыканкама Аляксандр Чэрнікаў.
На пр. Пераможцаў — ад вул. Мельнікайце да пр. Машэрава — скарацілі колькасць палос для руху транспарту: з трох да дзвюх у кожным напрамку.
— На гэтым участку праводзяцца работы па ўмацаванні калектара, побач з якім будуць пракладаць тунэлі трэцяй лініі. Гэта неабходная мера, каб забяспечыць яго апорную здольнасць і герметычнасць і ў будучыні выключыць рызыку аварый, — растлумачыў Чэрнікаў. — Што тычыцца Свіслачы, то яе асушаць ніхто не стане. Тут сапраўды з’явіцца тунэль, аднак тунэлепраходчы комплекс проста пройдзе на шэсць-восем метраў глыбей за рэчышча ракі. Гэта значыць, на тых участках, дзе гэта неабходна, тунэль прыйдзецца апусціць ніжэй за зону рэчышча, у шчыльныя і ўстойлівыя слаі грунту.
Паводле слоў намесніка старшыні Мінгарвыканкама, пляцоўку каля Свіслачы абнеслі плотам для ўстаноўкі шпунтавай агароджы, яе прызначэнне — падзяліць рэчышча на некалькі ўчасткаў.
Асноўны паток вады накіруюць па свабодным калідоры, а на адной з выдзеленых частак будаўнікі зоймуцца бетоннай падрыхтоўкай. Пасля чаго водны паток паэтапна перавядуць на гатовы ўчастак.
Спецыялісты будуць паслядоўна пераходзіць да наступных чэргаў работ, да поўнага іх завяршэння па ўсёй шырыні рэчышча. Такая бетонная падрыхтоўка праводзіцца для прадухілення дрэнавання пяску ў тунэль. На раку гэта ніяк не паўплывае. Завяршыць распачатае плануюць ужо ў ліпені.
Агульная канцэпцыя Зеленалужскай лініі метро сфарміравана, аднак у яе могуць уносіцца змены. Для павелічэння тэмпу будаўніцтва закупілі другі танэлепраходчы механізаваны комплекс і абсталяванне для выпуску высокадакладнай тунэльнай ашалёўкі. Усю гэтую тэхніку паступова прывозяць у Беларусь. У наступныя некалькі месяцаў плануюць яе запуск.
-
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
-
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
-
«Бывае, за дзень ем толькі адзін раз». Колькі зарабляе таксіст у Польшчы на дзвюх працах і на што паспявае траціць грошы
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2
Каментары