Мінскі гурт Intelligency выпусціў новы альбом Technoblues Therapy
Альбом пад назвай Technoblues Therapy — чацвёрты поўнафарматны праект беларускага гурта Intelligency. Яго стваральнікі абяцаюць: «Наш альбом стане найлепшым электронным у краіне».
Альбом будзе складацца з двух частак. Ужо выйшла першая частка з васьмі трэкаў.
Паводле музыкаў, уся іх праца адбывалася ва ўмовах росквіту пандэміі, адначасова з грамадска-палітычнымі падзеямі ў Беларусі, пераносамі і адменамі канцэртаў ды фестываляў па эпідэміялагічных прычынах.
«За акном — лютыя катаклізмы, але на сваёй студыі можна было схаваць сябе і злавіць менавіта тое натхненне, якое і стварае гэтую ўмоўную аўдыяльную тэрапію. Мы самі сабе яе рэкамендавалі на 2020—2022 гады і паклалі ў гук. Усе гукі запісваліся максімальна сваімі сіламі. Былі задзейнічаныя не толькі музычныя інструменты — у трэках ёсць гук, напрыклад, удараў па сістэмным блоку, звон шклянак»,
— расказваюць удзельнікі гурта.
Цяпер іх працу могуць ацаніць усе ахвотныя.
Чытайце таксама:
«Ідэю не спыніць». Intelligency выпусцілі кліп на беларускамоўную песню ВІДЭА
Страшныя казкі і відэа, знятыя на тэлефон. ТОП-20 беларускіх музычных кліпаў 2021 года
-
«Больш за год Святлана цяжка хварэла, але нават падчас хваробы не скардзілася» — Катынскі музей адгукнуўся на смерць Святланы Курс
-
У постапакаліптычным вестэрне Guns of Eschaton будзе беларуская мова. Лакалізацыю прафінансавалі два беларусы
-
У Нарвегіі адкрылі новы мемарыял ахвярам тэрактаў Брэйвіка. На ім — кулік з камянёў
Каментары