Пра тое, што пусцеюць паліцы з мукой, расказваюць жыхары розных гарадоў.
Так, напрыклад, выглядалі паліцы ў адным сталічным гіпермаркеце.
Чытачы паведамляюць, што часам у крамах застаецца толькі расійская мука або мука з дадаткамі. Бывае складана знайсці лідскую, асабліва вышэйшага гатунку ці ў вялікіх пачках.
Што адбываецца? У «Лідахлебапрадукце» кажуць, што ўсё праз ажыятаж на фоне вайны.
«На сёння ідзе павышаны попыт на муку. Наша прадпрыемства працуе ў планавых аб'ёмах вытворчасці, якія ёсць. Але заяўкі, якія паступаюць ад гандлёвых аб'ектаў, павялічыліся ў тры-чатыры разы. На сёння выкананне такіх заказаў не прадстаўляецца магчымым», — прыводзіць «Спутнік» каментарый намесніка генеральнага дырэктара па продажах і маркетынгу завода Сяргея Кіжука.
Па яго словах, аб'ёмы сыравіны для вытворчасці мукі ў прадпрыемства дастатковыя.
«Мы проста не паспяваем вырабляць столькі мукі, колькі просяць гандлёвыя аб'екты. Фізічна няма магчымасці выканаць усе заяўкі. Нашу прадукцыю мы адгружаем ва ўсе рэгіёны Беларусі ў межах звычайных сярэднямесячных аб'ёмаў. Але ўлічваючы павышаны попыт, яна хутка разыходзіцца».
Днямі ўрад працягнуў на тры месяцы забарону на вываз пшанічнай мукі з Беларусі (яна дзейнічае са снежня 2021 года).
Чытайце таксама:
Бабруйскі камбінат хлебапрадуктаў запускае лінію прадукцыі пад назвай «Zавтрак»
Як змяніліся цэны на прадукты з пачатку вайны
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»54
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары