25 сакавіка падчас пасяджэння мастак парэзаў сабе жывот у знак пратэсту. За гэта яго кінулі на 13 дзён у карцар.
Сёння быў вынесены прысуд па крымінальнай справе палітвязня, вядомага беларускага мастака і перфомера Алеся Пушкіна. Яго абвінавацілі ў здзеку з дзяржаўных сімвалаў (арт. 370 КК) і ў распальванні расавай, нацыянальнай, рэлігійнай альбо іншай сацыяльнай варожасці ці варажнечы (ч. 3 арт. 130 КК). Суддзя Алена Шылько прысудзіла мастаку 5 гадоў калоніі строгага рэжыму.
Сёння падчас працэсу была затрыманая сястра Алеся Пушкіна Святлана — за тое, што хацела сфатаграфаваць брата. Яе даставілі ў Фрунзенскі РАУС
Алеся Пушкіна затрымалі год таму — 30 сакавіка 2021 года, у вёсцы Жылічы Кіраўскага раёна ў царкве, на рэстаўрацыі якой працаваў мастак.
Перад гэтым: 26 сакавіка 2021 года, пракуратура Гродна завяла супраць Пушкіна крымінальную справу «за здзяйсненне наўмысных дзеянняў, скіраваных на рэабілітацыю і апраўданне нацызму» (ч. 3, арт. 130) — на выставе ў Гродне дэманстраваўся партрэт удзельніка антысавецкага паваеннага падполля Яўгена Жыхара. Мастак у той час быў у Кіеве, але вярнуўся на радзіму.
У канцы снежня 2021 года да гэтага яшчэ дадаўся «здзек з дзяржаўных сімвалаў». Мастаку пагражае да 12 гадоў зняволення.
Сёння стала вядома, што мастака асудзілі на пяць гадоў калоніі.
Чытайце таксама:
Ужо двойчы судзілі па крыміналках — за перакрэслены сцяг БССР і гной для Лукашэнкі. Хто такі Алесь Пушкін?
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ7
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары