Лукашэнка загадаў не вяртаць даўгі банкам, якія спынілі крэдытаванне праектаў ЖКГ
Аляксандр Лукашэнка заявіў, што Беларусь не павінна разлічвацца па крэдытах з банкамі, якія пачалі і спынілі крэдытаваць аб'екты жыллёва-камунальнай гаспадаркі. Пра гэта ён заявіў на нарадзе па пытаннях функцыянавання ЖКГ, абмяркоўваючы будаўніцтва і рэканструкцыю сістэмаў водазабеспячэння і ачышчальных збудаванняў.
Перш за ўсё тут маецца на ўвазе Еўрапейскі банк рэканструкцыі і развіцця, які ў красавіку мінулага года прыпыніў фінансаванне дзяржаўных праектаў у Беларусі, а з восені 2021 года спыніў фінансаванне і новых прыватных праектаў.
«Гэта значыць раней з Еўрапейскім банкам рэканструкцыі і іншымі мы дамовіліся аб тым, што яны пракрэдытуюць многія аб'екты жыллёва-камунальнай гаспадаркі. Некаторыя пачалі крэдытаваць, а потым кінулі, — нагадаў Лукашэнка.
«Два моманты. Як будзем завяршаць рэканструкцыю і будаўніцтва гэтых аб'ектаў? І другое: не дай бог, хто-небудзь з вас пачне разлічвацца па даўгах з гэтымі банкамі. Яны не выканалі ўмовы дамовы — да пабачэння, пакуль не вернуцца да выканання гэтых дамоваў», — цытуе Лукашэнку ягоная прэс-служба.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення6
Каментары