Урад увёў абмежаванні на вываз з краіны асобных відаў харчовых тавараў.
Цяпер вывозіць за межы ЕАЭС можна:
мукі (грачанай, пшанічнай) — да 1 кг;
асобных відаў круп (грачанай, рысавай, маннай, аўсянай, аўсяных шматкоў, проса) — да 1 кг;
цукру — да 1 кг;
солі — да 1 кг;
макаронных вырабаў — да 1 кг;
алею — да 1 л;
кансерваў мясных, малочных і рыбных (за выключэннем кансерваў для дзіцячага харчавання) — да 3 бляшанак.
Абмежаванне не распаўсюджваецца на тавары, набытыя ў крамах бяспошліннага гандлю, размешчаных у пунктах пропуску праз дзяржмяжу Беларусі.
Пры гэтым прадугледжаная магчымасць вывазу такіх тавараў без абмежаванняў у выпадках, вызначаных аблвыканкамамі.
«Пастанова прынятая ў мэтах абароны ўнутранага рынку ў сувязі з павышаным попытам у памежных раёнах на бакалейныя тавары, якія фізічныя асобы набываюць камерцыйнымі партыямі для вывазу за межы Рэспублікі Беларусь», — удакладнілі ў прэс-службе.
Каментары