«Ладэ» прыпыніў аказанне паслуг з 16 мая, супрацоўнікаў адправілі ў адпачынак.
Як стала вядома «Нашай Нівы», цяпер медцэнтр выстаўлены на продаж. Падрабязнасці пакуль невядомыя.
Рашэнне аб прыпыненні ліцэнзіі «Ладэ» было прынятае на пасяджэнні лячэбна-кантрольнай рады Міністэрства аховы здароўя 4 мая.
Ведамства паведамляла, што прыпыніла дзейнасць ліцэнзіі медцэнтра нібыта за наступныя парушэнні:
- ажыццяўленне прадпрымальніцкай дзейнасці ў месцы, не пазначаным у ліцэнзіі;
- парушэнні патрабаванняў клінічных пратаколаў дыягностыкі і лячэння;
- наяўнасць лекавых сродкаў, у якіх выйшаў тэрмін прыдатнасці;
- парушэнні парадку арганізацыі аказання неадкладнай дапамогі;
- грубыя парушэнні правядзення экспертызы часовай непрацаздольнасці (выяўлена 89 выпадкаў неабгрунтаванай выдачы і працягнення лісткоў непрацаздольнасці);
- парушэнні ў арганізацыі правядзення медыцынскай дапамогі дзецям;
- шматлікія парушэнні заканадаўства ў галіне захавання санітарна-эпідэмічных нормаў.
Міністр аховы здароўя Дзмітрый Піневіч каментаваў, што закрыццё самага буйнога прыватнага медцэнтра краіны — факт не экстраардынарны. І казаў, што калі кампанія жадае працягнуць працаваць, то яна павінна звярнуцца з інфармацыяй аб выпраўленні парушэнняў.
Супрацоўнікі «Ладэ» расказвалі «Нашай Ніве», што афіцыйны памер штрафу, выстаўленага медцэнтру, — 1 мільён беларускіх рублёў. Але ёсць сумневы адносна канчатковасці гэтай сумы.
«Ладэ» кашмараць за 2020-ы. Выхаваўчы рэкет, выставілі штраф
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары