Здароўе22

Падчас адпачынку хавайце чамадан у ванне. Так пазбегнеце вялікіх праблем

Калі не жадаеце вярнуцца дахаты з нечаканымі гасцямі, лепей не пакідаць чамадан на гатэльным ложку. Захоўвайце яго ў ванне.

Фота: dreamstime.com

Пасля доўгага падарожжа мы часта марым толькі пра тое, каб кінуцца на мяккі ложак у гатэльным нумары. Бывае, што мы кідаем туды і ўласны чамадан.

Але Брытані Кэмпбэл, брытанскі энтамолаг, раіць так не рабіць. Больш за тое, чамадан таксама лепей не ставіць на падлогу ці ў шафу. Найлепшае месца для яго — ванная ў гатэльным нумары, асабліва ванна, піша onet.pl.

Прычына такой перасцярогі — клапы, дробныя насякомыя, што харчуюцца крывёй чалавека і іншых млекакормячых. Іх укус часта выклікае непрыемныя сімптомы і можа прывесці да цяжкіх хвароб накшталт тыфу, туберкулёзу і сіфілісу.

Клапы звычайна хаваюцца ў матрацах, а таксама ўнутры пружын ложка, у абіўцы і ў шчылінах мэблі. Таму, калі мы кладзем чамадан на ложак, клапы могуць трапіць у яго, забрацца ў адзенне і «прыехаць» з намі дахаты, пасля чаго пазбавіцца ад іх будзе вельмі складана. Кэмпбэл адзначае, што гэтыя насякомыя цудоўна выжываюць у часовых месцах знаходжання: у асабістым багажы ці пад сядзеннямі ў машынах, аўтобусах і цягніках.

Ванная — тое месца, дзе ў вас найменшая верагоднасць натрапіць на клапоў, таму бяспечней за ўсё было б захоўваць чамадан менавіта там.

Акрамя ложкаў, небяспечна ставіць чамаданы на багажныя паліцы, бо ў іх пустых ножках таксама могуць хавацца клапы. Але нават калі вы ўпэўненыя, што клапоў няма, лепей за ўсё памясціць чамадан у вялікі пакет і туга яго завязаць.

Карысна таксама ведаць прыкметы таго, што ў гатэльным нумары ёсць клапы. Першая з іх — пах карыяндра ці маліны, што гніе. Таксама звяртайце ўвагу на маленькія чорныя кропкі на дыване, асабліва там, дзе ён даходзіць да сцяны, і каля мэблі. Гэта могуць быць сляды крыві, якія пакінулі клапы.

Уважліва агледзьце ложак, зазірніце пад матрац і падгалоўнік, праверце фіранкі, абрусы, дываны, камоды, шафы і рамы для карцін. Пасцельныя клапы звычайна пляскатыя, маюць авальную форму, іх даўжыня складае 4-5 міліметраў. Колер такіх клапоў светла-карычневы, але пасля піцця крыві яны робяцца фіялетавымі. Калі вы заўважыце ў нумары нешта, што магло б сведчыць пра прысутнасць клапоў, адразу ж паведаміце пра гэта адміністрацыі гатэля.

Па вяртанні з адпачынку праверце чамадан на магчымую наяўнасць клапоў. Калі лічыце, што адзенне ў ім магло кантактаваць з клапамі, мыйце яго на працягу не менш чым 2 гадзін пры тэмпературы не ніжэй за 50 градусаў.

Чытайце таксама:

Як зразумець, што вы падхапілі ад кляшчоў барэліоз

Хатнія сродкі ад сонечных апёкаў — простыя і эфектыўныя. Адразу ж паменшаць боль

Каментары2

  • -
    06.07.2022
    чемодан на кровать, значит, нельзя, а спать можно) пофиг на клопов)
  • -
    06.07.2022
    "мечтаем только о том, чтобы броситься на мягкую кровать в гостиничном номере. Бывает, что мы бросаем туда и собственный чемодан"

    а вообще интересно, что за "чистюли" бросают на кровать грязный чемодан? наверное такие, что с солнечными очками-кокошником на башке?

    https://dck8xvlq18iei.cloudfront.net/ru/294924

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць