Паварот лёсу каліноўца Сяргея Дзёгцева: зберагаў памяць пра ваеннапалонных, а цяпер сам такім стаў
Палонны каліновец, 34-гадовы Сяргей Дзёгцеў дапамагаў праекту «Зберажом Масюкоўшчыну». Гэта праект па захаванні памяці пра вялікі лагер ваеннапалонных Шталаг 352 часоў Другой сусветнай вайны, які знаходзіўся на месцы мікрараёна.
«Калі адбыліся падзеі 2020 года, ён таксама не застаўся ўбаку. За што і быў некалькі разоў затрыманы, а апошні раз — моцна збіты, і пасля таго, як ён адбыў свае суткі, супрацоўнікі ГУБАЗіКа кудысьці вазілі яго і толькі пасля адпусцілі. Пасля вызвалення ён быў змушаны з'ехаць за мяжу праз пагрозу завядзення крымінальнай справы», — кажуць прыяцелі Дзёгцева.
«Ён сціплы і не любіць распаўсюджвацца пра свае дасягненні. Увогуле Сяргея ведаем як добрага сябра, які заўсёды прыходзіць на дапамогу: справай, а не словам, чалавек, які маленькімі паслядоўнымі крокамі ідзе да сваёй мэты.
У Кіеве Сяргей працягваў займацца тэмай ваеннапалонных. Да прыкладу, ён адведаў аналагічны масюкоўшчынскаму Шталагу Дарніцкі лагер для ваеннапалонных і зрабіў выяву, у якой параўнаў стаўленне да такіх месцаў у Кіеве і Мінску», — дзеляцца сябры.
«Сяргей займаўся тэмай ваеннапалонных і сам стаў ваеннапалонным, — кажа адзін з сяброў Сяргея. — Магчыма, жыццё вядзе Сярогу такім шляхам».
Чытайце яшчэ:
Расказваем пра беларуса Сяргея Дзёгцева — другога каліноўца ў палоне
Хто ён — палонны каліновец Ян Дзюрбейка?
Хто такія «Атам», «Сябро» і «Папік». Расказваем пра траіх байцоў з палка Каліноўскага, якія, напэўна, загінулі
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары